१० जेठ, काठमाडौं । नेपाल राष्ट्रिय उद्योग ब्यापार संगठन केन्द्रीय समितिले ११ औं स्थापना दिवस मनाएको छ ।
स्थापना दिवसका अवसरमा साप्ताहिक रुपमा विभिन्न कार्यक्रम गरेको संगठनले बुधबार सुनधारमा रक्तदान कार्यक्रम गरेको छ ।
संगठनका कार्यबहाक अध्यक्ष श्याम श्रेष्ठको अध्यक्षतामा भएको कार्यक्रममा ९१ पिन्ट रगत संकलन भएको संगठनका देवराज जैसीले जनकारी दिए ।
यस अघि संगठनले अर्थमन्त्रीको प्रमुख आतिथ्यतामा ‘नेपालको अर्थतन्त्रमा संक्रमण कालको प्रभाव’ विषयक अन्तरक्रिया कार्यक्रम आयोजना गरेको थियो ।