११ जेठ, झापा । नेकपा माअोवादी केन्द्रले झापाका शिवसताक्षी नगरपालिका र गौरदह नगरपालिकामा मेयर र उपमेयरका उम्मेदवार घोषणा गरेको छ ।
साविकका धरमपुर,सतासी,शिवगञ्ज र पाँचगाछी सहितका ४ गाविस मिलेर बनेको शिवसताक्षी नगरपालिकामा माअोवादीले महेन्द्र भट्टराईलाई मेयरको उम्मेदवार घोषणा गरेको छ । उनी अखिल क्रान्तिकारीका केन्द्रीय सचिव समेत हुन् । उपमेयरमा कचाली ताजपुरियालाई उम्मेदवार बनाएको छ ।
यस्तै ९ वडा रहेको गौरादह नगरपालिकामा पनि विहीबार एक समारोहकावीच पुष्पलाल ढकाललाई मेयर र अर्पणा राजवंशीलाई उपमेयर पदको उम्मेदवार घोषणा गरेको छ।
उम्मेदवार घोषणा कार्यक्रममा माओवादी केन्द्रका १ नं.प्रदेश संयोजक सावित्रीकुमार काफ्लेलगायतका नेताहरूको उपिस्थिति रहेको थियो ।
