१८ जेठ, सुर्खेत । वीरेन्द्रनगर नगरपालिका-१०, सुर्खेतमा बिहीबार बिहान आगलागी भएको छ ।
सुर्खेतको वीरेन्द्रनगरमा रहेको न्यू कोटेश्वर टायर रिसोलिङ सेन्टरमा आगो लागेको हो ।
बिहीवार बिहानैदेखि आगलागी भए पनि सुर्खेतमा दमकल नहुँदा अझै नियन्त्रणमा आउन सकेको छैन । नेपाल प्रहरी, नेपाली सेना र स्थानीयले अहिले आगो निभाउने प्रयास गरिरहेका छन् ।
आगलागीका कारण करोडौँका सामान जलेर नष्ट भएको अनुमान गरिए पनि क्षतिको विवरण आउन बाँकी छ ।
