Comments Add Comment

पत्रपत्रिकाका फ्रन्टपेजः चुनाव जित्न रणनीति बदल्दै दलहरु

९ असार, काठमाडौं । राजनीतिक दलहरुले पहिलो चरणको निर्वाचनबाट पाठ सिक्दै दोस्रो चरण निर्वाचनमा नयाँ रणनीति अपनाउन थालेका छन् । दलहरुले तालमेल, मतदाता शिक्षा अभियान, चुनावी एजेन्डा, प्रचारप्रसार शैलीलगायत बदलेको आजका पत्रपत्रिकाहरुमा खबर छ ।

पत्रपत्रिकाहरुले गाडी किन्न नमान्दा निर्वाचन आयोगका सचिव गोपीनाथ मैनालीको सरुवा भएको लेखेका छन् । काठमाडौं–निजगढ द्रुतमार्ग निर्माण कार्यविधि मन्त्रिपरिषबाट पारित भएको विषयलाई पनि पत्रपत्रिकाहरुले चासो दिएका छन् ।

गोरखापत्र दैनिकले काठमाडौं–निजगढ द्रुतमार्ग निर्माण कार्यविधि पारित भएको विषयलाई प्राथमिकताका साथ लेखेको छ । गोरखापत्रले ढुक्क भएर निर्वाचनमा मतदान गर्न गृहमन्त्रीले गरेको आग्रह पनि छापेको छ । प्रमसँगको प्रत्यक्ष सवाल–जवाफ कार्यान्वयन नभएकादेखि ३८ जनप्रतिनिधि निर्विरोध निर्वाचित भएकाे सम्मका खबर आजको गोरखापत्र दैनिककाे पहिलाे पृष्ठमा छ ।

अन्नपूर्ण पोस्ट दैनिकले थवाङको चुनावी सरगर्मीलाई मुख्य खबर बनाएर लेखेको छ । अन्नपूर्णमै खेलको आडमा मानवतस्करी धन्दा भएको उल्लेख छ ।

‘३६ वर्षपछि थवाङमा प्रतिस्पर्धा’ शीर्षक दिएर मुख्य खबर लेखेको कान्तिपुर दैनिकले निर्वाचन आयोगका सचिवको सरुवा भएको विषयलाई पनि उत्तिकै महत्त्व दिएर प्रकाशित गरेको छ ।

गाडी किन्न नपाउँदा निर्वाचन आयोगको सचिव सरुवा भएको विषयलाई नागरिकले पनि लेखेको छ । नागरिकमा कैलालीको टीकापुर नगरपालिकामा मालिक र मजदुर भिडेको अर्को खबर पनि छ ।

नयाँ पत्रिका दैनिकले प्रमुख दलको चुनावी दौडाहालाई प्रमुख खबर बनाएको छ । राजधानी दैनिकले चुनाव जित्न दलहरुले रणनीति बदलेको लेखेको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment