१४ असार, काठमाडौं । दोस्रो चरणको स्थानीय चुनावमा ३५ जिल्लाका ६४ लाख मतदाताहरुले उत्साहजनक सहभागिता जनाइरहेका छन् । यो निर्वाचनले ३३४ स्थानीय तहमा ६२ हजार उम्मदेवारको भाग्य फैसला गर्दैछ ।
निर्वाचनको सहभागिताबारे हामीले कुन कुन जिल्लाका कसरी मतदान भइरहेको भन्नेबारे पाठकहरुलाई विभिन्न जिल्लाका गतिविधिहरु आज दिनभरि अपडेट गराउँदै जानेछौं ।
पूर्वसभामुख सुवासचन्द्र नेम्वाङले इलामको बालदमन्दिर मतदान केन्द्रबाट आज विहानै मतदान गरेका छन् ।
त्यसैगरी सभामुख ओनसरी घर्तीले रोल्पाको माडीकोट जंकोट वाल उदय मावि केन्द्रबाट लाइनमा बसेर मतदान गरेकी छिन् ।