१४ असार, रोल्पा । रोल्पाको सुकिदह गाउँपालिकामा ९३ वर्षीया वृद्धाले मतदान गरेकी छन् । सुकिदह- ३ की बालकुमारी खत्रीले मतदान गरेकी हुन् । उनी सुकिदह गाउँपालिकाकै सबैभन्दा बढी उमेरको मतदाता रहेको बताइएको छ ।
उनी मतदान गर्न बडाढुंगा भन्ने ठाउँबाट दुई घण्टा पैदल हिँडेर नाउलीस्थित विरेन्द्रमावि केन्द्रमा आएकी थिइन् । छोरा पूर्णबहादुर खत्रीको सहायतामा उनले मतदान गरेकी छन् ।
आफूले भोट दिएको व्यक्तिले गाउँको विकास गर्ने विश्वास उनले व्यक्त गरिन् ।
