मंगलबार, ३ असोज, २०७४
OnlineKhabar.com
Advertisment
SKIP THIS
Advertisment
SKIP THIS

५० वर्षसम्म लिभिङ टुगेदर, पाप पखाल्न भन्दै ८० वर्षमा बिहे

अनलाइनखबर


आधुनिकतासँगै युवा युवतीहरुमा बिहे नगरिकन सँगै बस्ने अर्थात् लिभ इन रिलेसनसीपको ट्रेण्ड बढिरहेको छ ।

तर यो चलन आजभन्दा ५० वर्षअघि पनि थियो भन्दा अनौठो लाग्नसक्ला । भारतमा एक जोडीले ५० वर्षको लिभइन रिलेसनलाई हालै बल्ल बिहेमा परिणत गरेको छ ।

विगत ५० वर्षदेखि लिभिङ टुगेदरमा रहेका ८० वर्षका सुख कुशवाह नामका वृद्धले आफ्नी प्रेमिका ७५ वर्षकी हरियासँग बिहे गरेका हुन् ।

उनीहरु एकअर्कालाई खुब मन पराउँथे । तर उनीहरुको त्यो समयमा प्रेम विवाह सहज थिएन । दुबै जनाको परिवार उनीहरुको बिहेका लागि राजी भएन । त्यसपछि सुख र हरियाले बिहे नगरीकनै सँगै बस्न थाले ।

मध्यप्रदेशको फाइतपुरमा बस्ने यो जोडीले बिहे नगरीकनै हालसम्म ४ वटा बच्चा जन्माइसकेको छ । परिवार खुसी र सुखी छ । घरजम मज्जाले बसे पनि हरिया चाहिँ खुसी थिइनन् । आफूले बिहे नगरिकनै यत्रोवर्ष सँगै बसेको र बच्चाबच्ची जन्माएको भए पनि उनलाई औपचारिक रुपमा बिहे गर्ने धोको थियो ।

उता जीवनको यस घडीका आइपुगेपछि सुखलाई लाग्न थालेको थियो कि अब जीवनको अन्तिम समयतिर आइयो । मृत्युपश्चात आफू र आफ्नी पत्नीको मोक्ष कसरी होला भन्ने कुराको चिन्ता बढ्न थाल्यो उनमा ? विधिवत विवाह नगरी सँगै बसेका र बच्चा बच्ची पनि जन्माएका सुख र हरियाको सम्बन्धलाई धर्मशास्त्र र समाजले समेत अनैतिक र अवैध भन्थ्यो । यस्तो सम्बन्धमा रहने जोडीहरुको पाप नपखालिने र मोक्ष प्राप्त गर्न नसक्ने हिन्दू परम्पराले सुखलाई पनि पिरोल्यो । त्यसैले बिहे विनाको अवैध सम्बन्धकोे पाप पखाल्न तथा मृत्युपश्चात मोक्ष प्राप्त गर्ने चाहनामा उनले गत ३० जूनका दिन हरियासँग विधिवत रुपमा बिहे गरे ।

बुवाआमाको औपचारिक बिहेको कुरालाई लिएर उनीहरुका छोराछोरीहरु पनि निकै खुसी थिए । सबै मिलेर धुमधामसँग बिहेको आयोजना गरे । हरिया र सुखको बिहेमा उनीहरुका नाति नातिनाहरु समेत निक्कै मज्जाले नाचे ।

एजेन्सी

२०७४ असार २८ गते ११:४७ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this