शुक्रबार, ६ साउन, २०७४
OnlineKhabar.com

घुम्नका लागि छाडे जागिर, तर बने करोडपति

अनलाइनखबर


घुमफिरका शोखिन मानिसहरुले घुमफिर गर्नका लागि विदा लिने क्रममा आफ्नो जागिरको समेत परवाह गर्दैनन् । हाकिमले विदा दिने छाँट देखाएन भने जागिर नै छाडिदिन पछि पर्दैनन् ।

नर्थ आयरल्याण्डका एक युवक ३३ वर्षका जोनी वार्ड पनि यस्तै दुनिया दर्शनका शौखिन थिए । उनलाई पूरै दुनिया घुम्नु र देख्नु थियो । चाहना मात्र भएर के गर्नु त्यसका लागि प्रसस्तै रकम चाहिन्थ्यो । तर उनी एक मध्यम परिवारवाला थिए । त्यसपनि उनले आफ्नो त्यो इच्छा आफ्नी आमासाग राखे । आमाले छोराको इच्छा पूरा गर्नसक्ने कुरा भएन ।

सन् २००६ मा पढाइ पूरा गरेसँगै उनले अनाथ बच्चाहरुको शिविरमा परामर्शदाताको जागिर पाए । त्यस समय उक्त शिविरबाट थाइल्याण्डमा एक भ्रमण कार्यक्रम थियो । त्यहाँ जोनीलाई अंग्रेजी पढाउने जिम्मा दिइयो । पढाउँदा पढाउँदै जोनीलाई लाग्यो की किन यसलाई आफ्नो शक्ति नबनाउने ? त्यसपछि उनले एक चिकित्सा अनुसन्धानमा पनि भाग लिए र त्यसबाट ३ हजार डलर कमाए ।

त्यो रकम जोनीका लागि विश्व भ्रमणको सुरुवातका लागि पर्याप्त थियो । यो घटना भएको १० वर्ष भैसकेको छ ।

उनले यसबीचमा १ सय ९७ देश घुमिसकेका छन् । र, हालै उनले नर्वेमा आफ्नो विश्व यात्रा समाप्त गरेका छन् ।

आफ्नो विश्वभ्रमणका क्रममा उनले धेरै समस्याको सामना गर्नुपर्यो । उनी दुईपटक गिरफ्तार समेत भए र २० देशमा अस्पतालमा भर्ना भए । उनी आतंकवादसँग पनि जुध्नुपर्यो र कतिपय देशमा भने सरकारी अधिकारीहरुलाई घुस समेत दिनुपर्यो अरे ।

विश्व भ्रमणकै दौरान उनलाई एउटा ट्राभल ब्लग खोल्ने सोँच आयो । उनले onestep4ward.com नामक ब्लग संचालनमा ल्याए । यो ब्लग अहिले एक मिडिया ब्राण्ड बनिसकेको छ । अनाथ बालबालिकाको शिविरको जागिर छाडेर दुनिया घुम्न हिँडेका जोनी अहिले त्यहीँ ब्लगबाटै करोडपति बनेका छन् । उनले आफ्नो ब्लगबाटै पछिल्लो ३ वर्षमा १० लाख डलर अर्थात् १० करोड रुपैयाँ भन्दा बढि आम्दानी गरेका छन् । उक्त ब्लग साइटमा उनले आफ्ना यात्राका तस्वीर तथा अनुभव लगायत यात्रा सम्बन्धी विवरण प्रस्तुत गर्ने गरेका छन् ।

एजेन्सी

२०७४ असार ३१ गते १२:२३ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
१ प्रतिकृया प्राप्त
  • Karan shahi लेख्नुहुन्छ    |   २०७४ साउन ३ गते २२:१५

    Im from Nepal Humla kharpunata oda nm 2 bamta i work in kitchen chef department tandoor 2 comi just im india im so single but i dont like single im so sad men

    0
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this