शुक्रबार, १३ साउन, २०७४
OnlineKhabar.com

ट्रयाक खुलेको ५० वर्षपछि डुम्रे-चन्द्रावती सडक कालोपत्रे

२ घण्टा लाग्ने यात्रा अब ४५ मिनेटमै

सुवास पण्डित

२, साउन, तनहुँ । ट्याक खुलेको ५० बर्षपछि तनहुँको डुम्रेदेखि चन्द्रावती बजारसम्मको कच्ची सडक कालोपत्रे भएको छ । डुम्रेदेखि चन्द्रावतीसम्म १४.२ किलोमिटर सडक कालोपत्रे गरेर सकिएको डिभिजन कार्यालय तनहुँका इन्जिनियर कर्ण केसीले जानकारी दिए ।

डुम्रेदेखि स्याउली बजारसम्म सडक विभागले यसअघि नै कालोपत्रे गरेको भए पनि स्याउली बजारदेखि चन्द्रावतीसम्म करिव ७.२ किलोमिटर सडक कालोपत्रे गर्न बाँकी थियो । डीबीएडी प्रविधि अपनाएर सडक कालोपत्रे गरिएको इन्जिनियर केसीले बताए ।

सडक कालोपत्रे गर्नका लागि चितवन र तनहुँको आशिष ऋषि शक्ति पराजुली जेभीसँग भ्याटसहित ५ करोड ६५ लाखमा ठेक्का सम्झौता भएको थियो । सडक ४ मिटर पिच गरिए पनि ट्याक भने ८ मिटरको बनाइएको छ ।

‘मुलभूत रुपमा सडकको पिच गर्ने काम सकियो, अझै नालीको केही काम बाँकी छ’ विभागका इन्जिनियर केसीले भने, ‘वर्षातको समय सकिएपछि कामको अनुगमन र मूल्याङन हुन्छ, केही रकम अझै भुक्तानी दिन बाँकी छ ।’

पृथ्वी राजमार्गसँगसँगै २०२३ सालमा ट्याक खोलिएको यो सडक निकै लामो समयपछि कालोपत्रे भएपछि त्यस क्षेत्रका वासिन्दाहरु खुसी भएका छन् ।

१४.२ किलोमिटरको दुरी पार गर्न यसअघि २ घण्टा लाग्ने गरेकोमा अब भने ४५ मिनेटमै सडक पार गर्न सकिने भएको छ । साथै भाडादर समेत घट्ने भएको छ । कति भाडा घटाउने भन्ने बारेमा समिति र जनप्रतिनिधीहरूका बीचमा छलफल हुन भने बााँकी छ । यस सडकमा दैनिक १२ वटा ठूला बस र ८ बटा साना जीपहरू चल्दै आएका छन् ।

गत आर्थिक वर्षमा बाँकी सडक कालोपत्रे गरेर सक्ने सम्झौता भएको भए पनि ठेकेदारले भूकम्प र नाकाबन्दीको कारण देखाउँदै समय थप मागेको थियो । एक वर्षअघि सक्नुपर्ने सडक यसै आर्थिक वर्षभित्र कालोपत्रे गरेर सकिएको हो । आदिकवि भानुभक्तको जन्मस्थान चुँदीरम्घा भएर जाने यस सडकलाई ‘भानु मार्ग’ को नाम दिइएको छ ।

तनहुँको उत्तरी क्षेत्रका साविकका ९ गाविसहरु मिर्लुङ, वसन्तपुर, सतिश्वारा, भानु, चोकचिसापानी, वरभञ्याङ, रिस्ती, तनहुँसुर, रूपाकोट गाविसका झण्डै ३५ हजार भन्दा बढी जनताहरू यहि सडक भएर हिँडछन् ।

२०७४ साउन २ गते १०:१६ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।
६ प्रतिकृयाहरू प्राप्त
  • haha लेख्नुहुन्छ    |   २०७४ साउन २ गते १०:२९

    NEPAL SARKAR LAI DISLIKE GARAM

    15
    2
    Share

  • Rakesh लेख्नुहुन्छ    |   २०७४ साउन २ गते १२:०१

    ५० वर्ष !!
    एउटा पुस्ता हराउने समय पछि सडक पिच हाहाहा हामी नेपाली जनता नै भेडा हो, तेत्रो समय के घण्टा-घर हेरेर बसेको त ?

    8
    0
    Share

  • Prem Malla लेख्नुहुन्छ    |   २०७४ साउन २ गते १८:३३

    ४मी.को कालो पत्रे पिच भएको भन्छ ३मी.त पक्कै छ होला तर यो बर्षा याममा पिच गरेको रोड कति महिना थाम्ने हो यो चाहीँ थाहा छैन ।

    0
    0
    Share

  • Lusi लेख्नुहुन्छ    |   २०७४ साउन २ गते २१:१४

    Lusi message

    0
    0
    Share

  • अग्नि ढकाल लेख्नुहुन्छ    |   २०७४ साउन २ गते २१:५१

    ढिलो भए पनि राम्रै भएकोमा धन्येबाद ।

    0
    0
    Share

  • खेम राज थापा लेख्नुहुन्छ    |   २०७४ साउन ३ गते २१:१०

    भलै ५० बर्ष पछि बाकिका काम कृयाशिल भएका छन्
    ढिलै भएपनी जुन खुशी गाउँलेहरुले अनुभव गर्न पाएका छन् सोही अनुभुतिहरु दिगो रहुन ।
    न कि कालोपत्रे भएकै केहि महिना वा बर्षमै ती खुशीहरु निरासामा परिणत नहोस् ।

    0
    0
    Share

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this