८ साउन, काठमाडौं । राष्ट्र बैंकले बैंक तथा वित्तीय संस्थाबाट ७ दिनको लागि १० अर्ब पुँजी तान्ने भएको छ । साउन ८ गतेदेखि साउन १५ गतेसम्मको परिपक्व अवधि रहेको १० अर्ब बराबरको रिर्भस रिपो राष्ट्र बैंकले जारी गर्न लागेको हो ।
बैंकहरुमा तरलता धेरै भएमा र लगानी गर्ने नसकेमा राष्ट्र बैंकले उनीहरुको प्रणालीबाट रकम खिच्ने गर्छ ।
बैंकहरुको समग्रमा यसअघि तरलताको अनुपात ३१ प्रतिशतसम्म देखिएको भएपनि हाल २५ प्रतिशतको दरमा रहेको तथ्यांक केही दिन अघिको कार्यक्रममा पुर्व बैंकर अनलराज भट्राईले प्रस्तुत गरेका थिए ।
धेरै बैंकमा कर्जा योग्य लगानीको अभाव देखिएपनि केहीमा भने यो समस्या रहेको छैन् ।
