शुक्रबारबाट रिलिज भएको चलचित्र ‘मेरी कुसुम’ले नेपालमा सामान्य व्यापार गर्यो । तर, पनि यसका निर्माता तथा मुख्य कलाकार मोहन बोगटी खुशी छन् । दुबइबाट नै लगानीको ९० प्रतिशत उठाएका कारण पनि उनलाइ नेपालको व्यापारमा पुरा भर पर्नु परेन ।
यसैले, पनि नेपालबाट आउने रकमले आफू सुरक्षित रहेको उनको भनाइ छ । मोहनले भने-‘पहिलो चलचित्र रिलिज होला कि नहोला भन्ने अन्यौलताका विच दर्शकले मन पराइदिनुभयो । मलाई अब, नयाँ चलचित्र अझ उत्कृष्ट बनाउने हौसला मिलेको छ ।’
सुनिता शर्मा बोगटी र रविन्द्र कुँवरको निर्माणमा तयार भएको यो चलचित्रमा मोहन र नायिका हर्षिका श्रेष्ठको मुख्य भूमिका छ । माेहन भन्छन्-‘पहिलो चलचित्र बनाएर मैले धेरै कुरा वुझे । दर्शकले दिनुभएको मायाप्रति आभारी छु ।’
प्रेम र एक्सनको मिश्रण यो चलचित्र अहिले देशभरका हलमा चलिरहेको छ । मोहनले चाडै नै दोश्रो चलचित्रको घोषणा गर्ने पनि बताएका छन् ।
