शनिबार, ३ भदौ, २०७४
OnlineKhabar.com

प्रभु बैंकमा हज यात्रुलाई डलर र साउदी रियाल सटही सुविधा

अनलाइनखबर

२५ साउन, काठमाडौं । मुस्लीम समुदायको पवित्र धार्मिक स्थल साउदी अरबको मक्का मदिना जाने हजयात्रीहरुका लागि प्रभु बैंक लिमिटेडले डलर र साउदी रियाल सटही सुविधा उपलब्ध गराएको छ ।

सटही सुविधा साउन २५ गते बुधबारदेखि १० दिनसम्म काठमाडौंको घण्टाघर स्थित काश्मिरी मस्जिदबाट सम्पूर्ण हजयात्रीहरुले पाउन सक्नेछन् ।

०७४ सालको हजयात्राका लागि जाने १ हजार २५० जना नेपाली हजयात्रीहरुलाई गृह मन्त्रालयबाट स्वीकृति लिएर प्रति हजयात्री १ हजार ७०० अमेरीकी डलर वा सो बराबरको साउदी रियाल सटही सुविधा उपलब्ध गराएको प्रभु बैंकले जनाएको छ ।

प्रभु बैंकले उपलब्ध गराएको डलर र साउदी रियाल सटही सुविधा लगायत बैंकद्वारा उपलब्ध गराइएका अन्य सेवाबाट हजयात्रीहरुले अधिकतम लाभ लिएको बैंकको विश्वास छ ।

२०७४ साउन २५ गते १९:४६ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this