बिहीबार, ८ भदौ, २०७४
OnlineKhabar.com

तीर्थको हृयाट्रिकसँगै सगरमाथा सेमिफाइनलमा

रविन भट्टराई

२७ साउन, ताप्लेजुङ । तीर्थ बस्नेतको हृयाट्रिकको मदतमा सगरमाथा युवा क्लब विराटचौक, ताप्लेजुङमा जारी दोस्रो पाथिभरा गोल्डकप फुटबल प्रतियोगिताको सेमिफाइनलमा प्रवेश गरेको छ ।

शुक्रबार भएको खेलमा सगरमाथाले फिदिम स्र्पोटिङ क्लबलाई ३-१ गोल अन्तरले पराजित गर्‍यो ।

मोरङको तर्फबाट तीर्थ बस्नेत एकलैले तीन गोल गरे । खेलको तेस्रो मिनेटमा नै गोल गर्दै टोलीलाई अग्रता दिलाएका उनले ७ र २८ औँ मिनेटमा गोल गर्दै हृयाट्रिक पुरा गरे ।

खेलको सम्पूर्ण समय सागरमाथाले पाँचथरलाई दबाबमा राख्यो । फिदिम स्र्पोटिङ क्लबका चरण बस्नेतले खेलको २१ औं मिनेटमा गोल गरेपनि त्यो सान्तवना मात्र हुन सक्यो ।

खेलमा म्यान अफ दि म्याच तीर्थ बस्नेत भएका छन् । सगरमाथा युवा क्लबले अब फाइनल प्रवेशका लागि शसस्त्र प्रहरी दमकसँग खेल्नेछ ।

शनिवार हुने पहिलो सेमिफाइनलमा चर्च व्वाईज काठमाडौं र नव प्रयास ताप्लेजुङ भिड्नेछन् ।

२०७४ साउन २७ गते १८:४२ मा प्रकाशित
अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

यसमा तपाइको मत




फेसबुकबाट तपाईको प्रतिक्रिया

सम्बन्धित शीर्षकहरु

Also you may like this