Comments Add Comment

पहिलो पटक मड्रिडभन्दा पछि परेको महसुस भयोः पीके

१ भदौ, काठमाडौं । बार्सिलोनाका स्टार डिफेण्डर जेरार्ड पिकेले यस सिजन आफ्नो टोली बार्सिलोनाभन्दा एक कमद पछि परेको महशुस गरेका छन्, जुन उनको ९ वर्षे खेल जीवनमा पहिलो पटक भइरहेको छ ।

स्पेनिस सुपर कपमा ५-१ को गोलअन्तर पछिल्ला केहि वर्षको तथ्यांकको तुलनामा निक्कै धेरै हो । र, बार्सिलोना नयाँ सिजनको तयारीमा समेत छ ।

‘सिजन निक्कै लामो छ र सुधारका लागि पनि समय पर्याप्त छ’ पिकेले भने, ‘तर बार्सिलोनामा पछिल्लो नौ वर्षमा यो पहिलो पटक भइरहेको छ कि हामी मडि्रड भन्दा पछि परेका छौं ।’

‘यो सत्य हो कि उसले गत सिजन च्याम्पियन्स लिग जितेको थियो, तर, हामी यहाँ आएका छौं कि त्यसअघि हामीले जितेका थियौं ।’

‘हामी एक टिम वा क्लवको रुपमा सबैभन्दा उत्कृष्ट क्षणमा छैनौं’ उनले भने, ‘हामी जति सम्भव हुन्छ त्यतिमै रहनुपर्छ र अगाडि बढ्ने प्रयास गरिरहनुपर्छ ।’

‘महत्वपूर्ण कुरा यो हो कि हामी हार्दाहार्दै पनि जितेका छौं र स्वीकार पनि गछौं मडि्रड हामीभन्दा राम्रो थियो ।’

पहिलो लेगमा पराजित भएपछि यी डिफेण्डर आफैं बार्सिलोनाका डाइरेक्टर पेप सेगुराको अलोचनामा उत्रिएका थिए ।

‘कुनै समस्या छैन’ उनले भने, ‘हामी एकसाथ बलियो र सुरक्षित हुन्छौं र कहिले काहीँ मेरो कुरालाई गलत सम्झाइन्छ ।’

यो खबर पढेर तपाईलाई कस्तो महसुस भयो ?

ट्रेन्डिङ

Advertisment