Comments Add Comment

‘माल्भिका छात्रवृत्ति’ घोषणा


१ भदाै, काठमाडौं । पूर्व मिस नेपाल माल्भिका सुब्बा र लुम्बिनी एकेडेमिक कलेजको सहकार्यमा ‘माल्भिका छात्रवृत्ति’ घोषणा गरिएको छ । लुम्बिनी एकेडेमिक कलेजमा अध्ययन गर्ने दुईजना गरिब एवं जेहेनदार छात्रालाई पूर्ण रुपमा छात्रवृत्ति घोषणा गरिएको हो ।

चाबहिल चुच्चेपाटीस्थित कलेज परिसरमा बिहीबार आयोजित एक कार्यक्रममा पूर्वमिस नेपाल सुब्बा र कलेजका पि्रन्सिपल रविनचन्द्र कोइरालाले उक्त घोषणा गरेका हुन् ।

यो वर्ष छात्रवृत्ति पाउनेमा कक्षा ११ मा अध्ययनरत सोलुखुम्बु नाम्चे बजारकी पासाङ कान्छी शेर्पा र ओखलढुंगाकी तिलिमाया दर्जी छन् । आर्थिक अवस्था कमजोर रहेका उनीहरुलाई दुई वर्षको पूर्ण छात्रवृत्ति प्रदान गरिएको कलेजका पि्रन्सिपल कोइरालाले बताए ।

उक्त अवसरमा पूर्व मिस नेपाल सुब्बाले छात्रवृत्ति प्रदान गर्न पाउँदा खुसी लागेको प्रतिक्रिया दिइन् । ‘छात्रवृत्ति पाउने विद्यार्थीले पढेर समाज एवं देशको विकासमा महत्त्वपूर्ण योगदान गरेको देख्न पाऊँ,’उनले भनिन्, ‘त्यसो भयो भने हामीले सन्तुष्टिको अनुभूति गर्नेछौं ।’

छात्रवृत्ति घोषणा कार्यक्रममा कलेजका भाइस पि्रन्सिपल उज्ज्वल कोइराला, शिक्षक शिक्षिका, विद्यार्थी लगायतको सहभागिता थियो ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment