४ भदौ, दार्चुला । विभिन्न ठाउँमा खसेको पहिरोका कारण अबरुद्ध महाकाली राजमार्ग सञ्चालन भएको साता नबित्दै महाकाली राजमार्ग पुनः अबरुद्ध भएको छ ।
गोकुलेश्वर-खलंगा सडकखण्ड अन्तरगत पर्ने चौतलीचोरमा गएराति पहिरो खस्दा महाकाली राजमार्ग अबरुद्ध भएको मालिकार्जुन चौकीका प्रहरी नायब निरीक्षक कुबेरसिंह धामीले जानकारी दिए ।
यसअघि भीषण वषर्ाका कारण साउन २७ गते माकालिर्जुन गाउँपालिका र शैल्यशिखर नगरपालिकाको सीमाक्षेत्र चौतलीचोरमा ठूलो पहिरो खस्दा ५ दिनसम्म राजमार्ग अबरुद्ध भएको थियो ।
सडकको तलतिर बस्ती भएकाले पहिरो पन्छाउन समस्या भएको प्रहरी नायब निरीक्षक धामीले बताए ।
राजमार्ग अबरुद्ध भएपछि काठमाडौं, धनगढी, महेन्द्रनगर, डडेल्धुरा, बैतडीका छुटेका सवारी साधन चौतलीचोरमै रोकिँदा यात्रु अलपत्र परेका छन् ।
