८ भदौ, काठमाडौं । हिन्दु नेपाली महिलाहरु हरितालिका तीज पर्व हर्ष उल्लासका साथ मनाइरहेका छन् ।
तीजमा व्रत बसेर शिव पार्वतीको पूजा गरेमा सौभाग्य मिल्ने धार्मिक विश्वास छ । यही विश्वासका साथ पशुपतिनाथ मन्दिर लगायतका देशभरका शिवालयहरुमा व्रतालुहरुको घुइँचो लागेको छ ।
पशुपतिनाथ मन्दिरमा व्रतालु महिलाहरु तीजको गीत गाउँदै नाचगान गरिरहेका छन् । रंगीबिरंगी बस्त्रमा सजिएका महिलाहरुको छुट्टै तामझाम छ ।
तीजलाई साथीसंगी र माइती पक्षसँग भेटेर मनको बह पोख्ने तथा रमाइलो गर्ने चाडको रुपमा पनि लिइन्छ ।
हेर्नुहोस् पशुपतिनाथ मन्दिर परिसरका केही तस्वीर
