नेकपा एमालेका निवर्तमान अध्यक्ष झलानथ खनालको साहित्यिक नाम ‘जेएन’ हो । वुधबार राष्ट्रपति डाक्टर रामवरण यादवले खनाल र पबन चाम्लिङलाई सम्मान गरेका छन् । खनाल पूर्व प्रधानमन्त्री हुन् भने चाम्लिङ सिक्किमका मुख्यमन्त्री हुन् ।
गायक मोहन राइको नयाँ एल्बम ‘कस्तो सपना’को बिमोचन गर्दै राष्ट्रपति यादवले राजनीतिक कार्यबाट सयम निकालेर भएपनि गीत संगीत सृजनालाई लामो समयदेखि निरन्तरता दिएको भन्दै नेपाल म्युजिक क्रियसन प्रा.लि.का तर्फबाट र खनाल र चाम्लिङलाई सम्मान गरेका हुन् । संग्रहमा राम्रा गीतकार र संगीतकारको रचना रहेको राष्ट्रपति यादबले बताए ।
गायक मोहन राईको स्वरको प्रसंसा गर्दै राष्ट्रपति यादबले देशभक्तीपूर्ण गीतलाई अंगालेर गायनलाई निरन्तरता दिन सुझाब दिए । राजनीतिबाट कहिलेकाही बचेको समयमा आफुले गीत, कविता सृजना गर्दै आएको गीतकार जेएन खनालले कार्यक्रममा प्रकाश पारे ।
यो संग्रहमा ७ गीत छन् । जसमा जेएन खनाल, डा. पवन चाम्लिङ, व्याकुल माईला, बुद्धबीर लामा, नव सिलवाल, हेम सुवेदी र राम भट्टराईका गीत छन् । उक्त गीतहरुमा सुरेश अधिकारी, बसन्त सापकोटा, कृष्णभक्त श्रेष्ठ, दिनेश सुब्बा, पुरन बज्राचार्यको संगीत रहेको छ ।
