८ असोज, काठमाडौं । भारतीय अन्तरीक्ष एजेन्सी इसरोका उपग्रह मंगलयान मंगल ग्रहको अण्डाकार कक्षमा सफलतापूर्वक प्रवेश गरेको छ ।
यो भारतको अन्तरीक्ष शोधमा एक ऐतिहासिक कदम हो । यो अभियान सफल भएसँगै भारत एकै प्रयास आफ्नो अभियान सफल पार्ने देश बनेको छ ।
भारतको मंगल अभियानको निणर्ायक चरण २४ सेप्टेम्बरको विहान यानको गति सुस्त पारेसँगै सुरु भएको थियो । यो मिसनको सफलता यही २४ मिनेटमै निर्भर थियो, यस दौरान यानमा रहेका इन्जिन चालू गरिएको थियो ।
मंगलयानबाट पृथ्वीसम्म जानकारी पठाउँन करीब साढे १२ मिनेट समय लागेको थियो । विहान ८ बजे इसरोलाई मंगलयानबाट सिग्नल प्राप्त भएको थियो ।
यो एतिहासिक क्षणमा भारतीय प्रधानमन्त्री नरेन्द्र मोदी बैंङ्ग्लोरको इसरो केन्द्रमा पुगेका थिए । उनले बैज्ञानिकहरुलाई बधाइ दिए ।
अमेरिकी अन्तरिक्ष एजेन्सी नासाले ट्वीटरमा इसरोलाई बधाइ दिएको छ । यो मिसनका लागि भारतले करिब ४५० करोड भारु खर्च गरेको छ ।
