छोटो समयमा नै चर्चामा आउन सफल गायिका सहिमा श्रेष्ठले नयाँ एल्बम ‘सहिमाको श्रृङ्गार’मा समावेश ‘तिम्रो साथ पाए भने’ बोलको गीतको म्यूजिक भिडियो सार्वजनिक गरेकी छिन् ।
यूवराज गुरुङको शब्द, महेश खड्काको संगीत रहेको गीतले कुनै यूवतीले यूवकको साथ खोजेको भाव बोकेको छ । गीतको भिडियोलाई नितिन चन्दले निर्देशन गरेका हुन् । भिडियोमा सहिमा आफैले कृष्णसँग मिलेर मोडलिङ गरेकी छिन् ।
भिडियोमा गोविन्द राइको नृत्य, सम्पादन तथा छायांकन नितिन चन्दकै छ । यो एल्बममा समावेश अन्य गीतहरुको पनि भिडियो निर्माण भैरहेको सहिमाले बताइन् ।