१९ कात्तिक, काठमाडौं । अमेरिकी माथिल्लो सदन सिनेटको मिड-टर्म (मध्यावधि) चुनावमा जोडदार जित हात पार्दै रिपब्लिकन पार्टीले बहुमत हासिल गरेपछि राष्ट्रपति बाराक ओबामाको पार्टीलाई झड्का लागेको छ ।
चुनावी परिणामलाई अमेरिकी राष्ट्रपति बाराक ओबामाको घट्दो लोकपि्रयताको असरका रुपमा हेरिएको छ । देशको आर्थिक स्थितिमा सुधारका बावजूद मध्यावधि चुनावमा विपक्षी दल रिपब्लिकनको जीतको अनुमान गरिएको थियो ।
रिपब्लिकन सिनेटर एवं २०१६ मा पार्टीका सम्भावित राष्ट्रपति उम्मेद्वार र्याड पलले भनेका छन्-‘यो चुनाव राष्ट्रपति ओबामामाथि जनमत संग्रह हो ।’
सिनेटमा बहुमत पुर्याउन रिपब्लिकनलाई ६ सिट चाहिएको थियो । मध्यावधि चुनावमा रिपब्लिकनले अराकन्सास, कोलराडो, आयोवा, मोन्टाना, उत्तरी क्यारोलिना, दक्षिण ठोकोटा र पश्चिम भर्जिनियामा जित हात पारेको छ ।
रिपब्लिकन पार्टीले अलबामा, जर्जिष, कानसास, माइन, मिसिसिपी, नेब्रास्का, ओकहोमा, दक्षिण क्यारोदिना र टेनेसेमा आफ्नो सीट सुरक्षित गरेको छ ।
रिपब्लिकन सिनेटर मिच म्याककोनल केन्टको महत्वपूर्ण सीट सुरक्षित गर्न सफल भए । अब उनी बहुमतप्राप्त दलको नेता बन्ने छन् ।
तल्लो सदन हाउस अफ रिपि्रजेन्टेटिभ (प्रतिनिधि सभा)मा रिपब्लिकनको पहिला नै बहुमत थियो । अब झन बलियो भएको छ ।
अब सिनेटमा पनि बहुमत हासिल गरेपछि पछिल्लो दुई वर्षमा ओबामाले लिएको नीतिगत फैसलामा परिर्वतन हुन सक्ने बीबीसीले जनाएको छ ।
सिनेटमा बहुमत हात पारेपछि ओमरिकी जनतालाई सम्बोधन गर्दै उनले भनेका छन्-‘हामीले तपाईको आवाज सुन्यौं, म त्यसलाई आफ्नो आवाज बनाउँछु र यो सुनिश्चित गर्छु कि बाशिङटनमा तपाईहरुको आवाज सुनाउँछु ।’
सिनेटको एक तिहाइ सीटका साथै प्रतिनिधि सभाका सबै ४३५ सिट र ५० राज्यमध्ये ३६ राज्यको गभर्नरका लागि पनि चुनाव भएको थियो ।
