२ मंसिर, काठमाडौं । राष्ट्रिय ध्वजाबाहक नेपाल वायुसेवा निगमले नयाँ जहाज ‘वाई १२ ई’ बाट सफलतापूर्वक परीक्षण उडान सम्पन्न गरेको छ ।
त्रिभुवन अन्तर्राष्ट्रिय विमानस्थलबाट पौने २ बजे उडेको उक्त जहाज पौन तीन बजे सोही विमानस्थलमा अवतरण गरेको थियो । जहाजको परीक्षण उडान सफलतापूर्वक सम्पन्न भएको निगमले बताएको छ ।
निगमले मंसिर ३० गते जहाजको परीक्षण उडान गर्ने कार्यतालीका बनाएपनि टेक्निकल समस्याका कारण दुई दिन पछाडी सरेको हो ।
नेपाल नागरिक उड्डयन प्राधिकरणबाट उडान सञ्चालन अनुमति (एओसी) प्राप्त गर्नका लागि नयाँ जहाजलाई उनीहरुकै रेखदेखमा परीक्षण उडान गराउनैपर्छ ।
१८ सीट क्षमताको उक्त जहाजबाट मंसिर ४ गतेदेखि व्यवसायिक उडान सुरु गर्ने तयारीमा निगम रहेको छ । यस अगाडि नै जहाजलाई व्यवसायिक उडानमा लगाउन विभिन्न प्राविधिक एवं प्रशासनिक पक्रियाहरु पुरा गर्ने लक्ष्य राखिएको छ ।
सम्बन्धित समचार