१ पुस, सुर्खेत । चट्याङ लागेर सुर्खेतमा २ जनाको मृत्यु भएको छ । सोमबार साँझ ६ बजेतिर चट्याङ पर्दा सहारेकी ५७ वर्षकी उमा घर्ती र घुमखहरेकी १० वर्षकी पवित्रा खड्काको मृत्यु भएको छ ।
गोठमा काम गरीरहेको बेला एक्कासी चट्याङ पर्दा घाइते भएकी घर्तीको उपचारको क्रममा मेहलकुना अस्पताल लैजादै गर्दा मृत्यु भएको हो ।
त्यस्तै खड्काको चट्याङले लागेर बेहोस भएको अवस्थामा स्थानीयले भेट्टाएपछि उपचारका लागि लैजाँदै गर्दा मृत्यु भएको हो ।
भीरबाट लडेर मृत्यु
सुर्खेतको मालारानी निवासी एक व्यक्तिको भीरबाट लडेर मृत्यु भएको छ । २६ वर्षका राजेन्द्र वलीको खोलाढीक भीरबाट लडेर मृत्यु भएको जिल्ला प्रहरी कार्यालयका प्रहरी निरीक्षक राजेसकुमारलाल कर्णले जानकारी दिए ।
कृष्ण आचार्यबाट