यतिबेला नेपाली राजनीतिमा नेताहरुको मानसिक सन्तुलन गुमेका समेत कुराहरु सुनिन थालेका छन् । संविधान बन्ने कुरा त कता हो कता, नेताहरु एकअर्काको स्वास्थ्य अवस्थाको बारेमा नै आरोप र प्रत्यारोप गरिरहेका छन् ।
नेताहरुको यो आरोप र प्रत्यारोपले सन्देश त गतिलो गएको छैन नै जनतालाई पनि दिकदारी बनाएको छ । यही दिकदारीलाई हाँस्य कलाकार दिपकराज गिरीले आफ्नो फेसबुकमा नयाँ ढंगले विश्लेषण गरेका छन् ।
उनले लेखेका छन्-‘प्रचण्ड लगायतका नेताहरुले ओलीलाई पागल भयो भनेछन् । मेरो विचारमा यो सरासर गलत हो । न ओली पागल हुन् न प्रचण्ड । तपाइहरु जस्ता व्यक्तिलाई संविधान बनाउने जटिल काम सुम्पने हामी सोझा जनता चाहि पागल हौै ।’
दिपकको यो विचार व्यङ्ग्यात्मक छ भन्ने वुझ्न समय लाग्दैन । नेताहरुले जनतालाई बाम्बार संविधान बनाउँछु भनेर दिएको वचन पुरा गर्न नसक्दा कलाकारदेखि आम सर्वसाधारणमा समेत दिकदारी पैदा भएको छ ।
