२१ जेठ, काठमाडौं । टोयोटा गाडीको नेपाली बिक्रेता युनाइटेड ट्रेडर्स सिण्डिकेटले इटिओस कारको डिजेल भर्सन बजारमा ल्याएको छ । कम्पनीले यसअघि नै पेट्रोल इञ्जिन इटिओस क्रस बजारमा ल्याइसकेको छ ।
गत भदौमा भएको नाडा अटो शोमा कम्पनीले इटिओस क्रस सार्वजनिक गरेको थियो । इटिओस क्रसले नेपाली उपभोक्ताको मन जित्न सफल भएको छ । सडकमा पनि इटिओस क्रसको बाक्लो उपस्थिती देखिन्छ
नेपाली बजारमा डिजेल इञ्जिन कारको माग उच्च रहेको हुँदा इटिओस क्रस डिजेल भर्सनमा भित्राएको कम्पनीले जनाएको छ । पेट्रोल इञ्जिनको तुलनामा डिजेल इञ्जिनको माइलेज बढी भएको हुँदा नयाँ भर्सनले उपभोक्ताको मन जित्ने विश्वासमा कम्पनी छ ।
डिजेल भर्सनको इटिओस क्रस १३६४ सीसी इञ्जिन क्षमताको कार हो । यसमा रेल डिजेल इन्जेक्सन सिष्टम रहेको छ । ५ स्पीड म्यनुअल गियरबक्स रहेको यो कारले राजमार्गमा २३.५९ किलोमिटर माइलेज दिने कम्पनीको दाबी छ ।
यसमा ठूलो क्याबिन रहेको छ । जसमा पियोनो परिस्करणमा उच्च गुणस्तरीय सामाग्रीहरु प्रयोग गरिएको बताइएको छ । कारमा ५ जनाले आरामसँग यात्रा गर्न सक्छन् । उच्च ग्राउन्ड क्लियरेन्स तथा १५ इञ्चको ट्युबलेस टायर भएको यो गाडी लामो दूरीको यात्राका लागि उपयुक्त भएको कम्पनीको भनाई छ ।
कारमा ४५ लिटरको इन्धन ट्याङ्की छ । २ सय ५१ लिटर क्षमताको डिक्की रहेको कारमा मल्टिफंसन इलेक्ट्रोनिक पावर स्टेयरिङ, पावर विन्डो विथ ड्राइभर साईड अटो डाउन, कूल्ड ग्लोब्स बक्स यूनिट, प|mन्ट पावर आउटलेट्स लगायतका सुविधाहरु रहेका छन् ।
यसैगरी टाकोमिटर, डिजिटल टि्रप मिटर, एयर कन्डिस्नर विथ हिटर एण्ड क्लिन एयर फिल्टर तथा अन्य परिस्कृत सुविधाहरु पनि कारमा रहेको कम्पनीले जनाएको छ ।
कारको अगाडिको भागमा क्याकर्फसन स्ट्रट सस्पेन्सन एण्ड टर्सन बीम सस्पेन्सन एट रियर प्रोमिसिङ सिष्टम रहेको हुँदा आरामदायी यात्राको अनुभव दिने छ ।
सुरक्षाका लागि इन्जिन इमोबिलाइजर, एयरब्याग्स, इम्प्याक्ट एब्जोर्बिङ बडि, रियर डिफोगर, सेन्ट्रल लकिङ सिष्टम, एडभान्स एन्टि लक ब्रेकिङ सिष्टम एकोम्प्यानिड विथ इलेक्ट्रोनिक ब्रेक फोर्स डिस्टि्रब्यूशन रहेका छन्।