काठमाडौं । नेपाली उपभोक्तामाझ १५० सीसीको बाइकहरु निकै लोकप्रिय रहेको देखिन्छ । औषत मूल्य, उच्च माइलेज, पावरफुल, स्टाइलिस लगायतका गुणले भरिपूर्ण हुने हुँदा १५० सीसीका बाइकमा यूवाहरु तानिएका हुन् ।
नेपालमा उपलब्ध अधिकांश ब्रान्डले यो सेगमेन्टका बाइकहरु भित्राएका छन् । खासगरी नेपालमा होन्डा, बजाज, हिरो, सुजुकीका १५० सीसी बाइक लोकप्रिय रहेका छन् । यामाहाको ‘एफजेड’ सेगमेन्ट १५३ सीसीको भएपनि यही क्याटगरीमा पर्दछ ।
यो सेगमेन्टमा बजाजको पल्सरले लिड गरिरहेको नेपाली बिक्रेता एचएच बजाजकी मार्केटिङ प्रमुख पुनम सिंह बताउँछिन् । ‘यो सेगमेन्टलाई हामी कम्यूटर सेगमेन्ट भन्छौं, यो इन्टि्र लेवलमा पनि पर्दैन, प्रिमियम लेवलमा पनि पर्दैन’ उनले भनिन्- ‘बीचको सेगमेन्ट भएको हुँदा १५० सीसीको बाइक सबैको लोकप्रिय बनेको हो ।’
हरेक उमेर समूहका व्यक्तिले सहजै चलाउन सकिने हुँदा पनि यो सेगमेन्ट सर्वाधिक रोजाईमा पर्न सफल भएको व्यवसायी बताउँछन् । खासगरी युवाहरुले पावर र स्टाइललाई विशेष ध्यान दिने हुँदा सस्तो मूल्यमा पावरफुल र आकर्षक डिजाइनको बाइक पाइने हुँदा यो सेगमेन्ट रोज्ने गरेको सिंहले बताइन ।
कुन ब्राण्डको कति मूल्य ?
कम्पनी | क्षमता | मूल्य |
---|---|---|
होन्डा | ||
युनिकर्न | १५० सीसी | २,२२,९०० |
नयाँ युनिकर्न | १६० सीसी | २,३७,९०० |
ट्रिगर | १५० सीसी | २२९,९०० |
बजाज | ||
पल्सर | १५० सीसी | २,२६,९०० |
पल्सर एस१५० | १५० सीसी | २,४९,९०० |
हिरो | ||
एक्सट्रिम स्पोर्टस् | १५० सीसी | २,२१,५०० |
एक्सट्रिम | १५० सीसी | २,१९,५०० |
हंक | १५० सीसी | २,११,००० |
एचिभर | १५० सीसी | १,९२,००० |
यामाहा | ||
आर १५ | १५० सीसी | ३,४२,९०० |
एफजेडएस | १५३ सीसी | २,३१,९०० |
एफजेड एफआई | १५३ सीसी | २,४९,९०० |
एफजेड एफआई | १५३ सीसी | २,३९,९०० |
एसजेड आरआर | १५३ सीसी | १,९९,९०० |
सुजुकी | ||
जीएस १५० आर | १४९.५ सीसी | २१८९०० |
जिक्सर |
नेपालमा यो सेगमेन्टमा बजाजका २, होन्डाको ३, हिरोका ४, यामाहाको ५, सुजुकीको २ वटा मोडल उपलब्ध छन् । अन्य ब्रान्डले पनि यो सेगमेन्ट बाइकमा विशेष ध्यान दिन थालेको देखिन्छ । अमेरिकन ब्रान्ड युएमले पनि १५० सीसीको बाइक भदौमा हुने अटो-शोमा सार्वजनिक गर्दैछ ।
यो सेगमेन्टको बाइक लोकप्रिय हुनुको कारण मध्यम रेञ्ज, खाल्डाखुल्डी बाटोमा पनि खासै समस्या नआउने, उच्च माइलेज लगायतका कारण रहेको हिरोका मार्केटिङ प्रमुख दिनेश रत्न बज्राचार्य बताउँछन् । नेपालमा वाषिर्क डेढ लाखको हाराहारीमा बाइकहरु आयात हुने गर्छन । जसमध्ये एक चौथाई बाइकहरु यही सेगमेन्टको हुने गर्छ ।
विदेशमा १५० सीसी सेगमेन्टका मोटरसाइकल हाइवेमा चलाउन नपाइने भएपनि नेपालमा यो सेगमेन्टका मोटरसाइकल ज्यादै लाकप्रिय रहेको छ । धेरै सीसीका मोटरसाइकल चलाउनका लागि नेपालमा उपयुक्त बाटो नभएकाले पनि यो सेगमेन्टका मोटरसाइकल युवाहरुको रोजाइमा परेको बजाजकी मार्केटिङ प्रमुख सिंहको भनाइ छ ।
पछिल्लो समय सहरमा मात्र नभई ग्रामिण इलाकामा समेत सडक विस्तार व्यापक रुपमा भइरहेकाले त्यहाँका बासिन्दाले समेत १५० सीसी रेन्जका बाइक रोज्ने गर्छन् । युवा पुस्तामा मात्र नभई अफिसियल प्रयोगकर्ताहरुले समेत सोही रेन्जका मोटरसाइकल रोज्ने गरेको पाइन्छ ।
‘१५० सीसी भन्दा माथिका बाइक हेर्दा आकर्षक लागे पनि हेभी हुने भएकाले चलाउन गाह्रो हुन्छ । त्यसमाथि माइलज समेत कम दिने हुँदा मध्यम स्तरको बाइकमा सबैको आँखा लागेको व्यवसायीको भनाई छ ।
मध्यम वर्गीयहरुले यो सेगमेन्टका बाइक चढ्नुलाई ‘स्टाटस सिम्बोल’को रुपमा समेत हेर्ने गर्छन । सय सीसीसमम्मका मोटरसाइकल चढ्दै आएका युवा तथा अर्धबैंसेले १५० सीसी सेगमेन्टकै मोटरसाइकल रोज्न थालेका छन् ।
१५० सीसीकाको बाइक अफरोडमा समेत राम्रोसँग कुदाउन सकिन्छ । यो सेगमेन्टका बाइकमा डिजीटल डिस्प्ले, अटो अनअफ, डिसब्रेक लगायत धेरै सुविधाहरु हुन्छन । पछिल्लो समय यो सेगमेन्टका बाइक महंगा बाइककै डिजाइनमा भित्रिन थालेका छन् ।
यो सेगमेन्टका मोटरसाइकलको कुल व्यापारमा २५ देखि ३० प्रतिशत हिस्सा ओगट्ने व्यवसायीहरु बताउँछन् ।