२६ भदौ, काठमाडौं । नेपाली कांग्रेसका तीन सभासदले संविधानको विधेयकमा दर्ता गरेको संशोधन फिर्ता लिएका छन् ।
मानबहादुर विश्वकर्मा, मीन विश्वकर्मा र जीवन परियारले दलितको हक अधिकारलाई लिएर संशोधन दर्ता गरेका थिए । उक्त संशोधन संविधानसभामा पेश भएर छलफल समेत भइसकेको छ ।
तर, मतदानको पूर्वसंध्यामा तीन सभासदले संशोधन प्रस्ताव फिर्ता लिएका छन् । ‘मुलुकको वर्तमान परिस्थिति हरेर र पार्टीको नीतिप्रति प्रतिवद्ध रहँदै संशोधन फिर्ता लिएका हौं’ सभासद परियारले अनलाइनखबरसँग भने ।