२० असोज, काठमाडौं । नेपालमा अघोषित नाकाबन्दी गरेको भारतको काठमाडौंस्थित दूताबासले नेपाल आयल नियमसँग तेल मागेपछि समाजिक सञ्जाल ट्वीटरमा ‘भारतीय दूताबासले तेल दान गरौं’ अभियान विश्वभर ट्रेन्ड भएको छ ।
बुधबार मध्याहृनबाट सुरु भएको #DonateOilToIndainEmbassy दिनभर विश्वभरकै टप ट्रेन्डिङमा परेको छ । यसमा नेपालका साथै विदेशमा बस्ने नेताहरुले भाग लिएका छन् ।
केही दिनअघि भारतले नेपालको आन्तरिक मामिलामा हस्तक्षेप गरेको विरोधमा विश्वभर ट्रेन्ड भएको थियो ।
ट्वीटरमा भएको आहृवानकै आधारमा दिउँसो ३ बजे लैनचौरस्थित भारतीय दूताबास अगाडि सांकेतिक रुपमा पेट्रोलसहित युवाहरुले प्रदर्शन गरेका छन् । उनीहरुले तेल लैजाउ, स्वाभिमान दिन्नौं जस्ता प्लेकार्डका साथै हातमा बोटलमा पेट्रोल र नेपालको राष्ट्रिय झण्डा बोकेका थिए ।
भारतीय दूतावासलाई ईंगित गर्दै फेसबुक र ट्वीटरमा व्यंग्य र आलोचना मिश्रति ट्वीटको बाढी लागिरहेको छ । कुल रिम्सले टि्वटरमा मेन्सन गरेका छन्- ‘हेल्लो इण्डियन एम्बेसी, तेलमात्र चाहिएको हो कि ग्यास नि चाहिएको ? मागेर हेर पुर्याउन आउनेछौं ।’
हेल्लो इन्डियन एम्बेस्सी ! तेल मात्र चाहिएको हो कि ग्यास नि चाहियो ? मागेर हेर पुर्याउन आउनेछौ ! #DonateOilToIndianEmbassy
— कुल रिम्स (@cooolrims) October 7, 2015
सुयात्रा घिमिरेले लेखकी छिन्, ‘विचरा भारतीय दूतावासलाई साह्रै गाह्रो परिरहेको छ । सबैले सकेको सहयोग गरौं ।’ शिरोमणी ढुंगाना लेख्छन्ः गान्धीका अनुसार कसैले हामीलाई ढुंगाले हान्यो भने हामीले फुलले हान्नुपर्छ । त्यसैले दूतावासलाई तेल दिउँ ।
“When someone throws you a stone, throw back a flower.” Gandhi. #DonateOilToIndianEmbassy when #IndiaBlockadesNepal. https://t.co/Pl6GvjoXi9 — Siromani Dhungana (@siromanid) October 7, 2015
त्यस्तै सञ्जय पाण्डे, लेनिन बञ्जाडे, उज्ववल आचार्य लगायत दर्जनौंले दूतावासलाई तेल दिन जाऔं भनेर ट्विट गरिरहेका छन् ।
नेपालीहरु कपटी हुँदैनन्, मुखले एउटा व्यवहारले अर्काे गर्दैनन् । अाफू भाेकै बसेर पनि अरुलाई खुवाउँछन्। #DonateOilToIndainEmbassy — Manoj Dahal (@ManojDahal) October 7, 2015
अप्ठ्यारोमा परेको छिमेकीको घाउमा नुन चुक हैन मल्हमपट्टी लगाऔं भन्ने पाठ सिकाउन दान दिउँ निर्मोही छिमेकीलाई ! #DonateOilToIndianEmbassy
— Dipak Magarati (@Vipashwi_Dipak) October 7, 2015
आफूसित भाको यति हो,यति नै दिन्छु। #DonateOilToIndianAmbassy pic.twitter.com/YgPXHSV4t8 — Nayan Raj Pandey (@NayanRajPandey) October 7, 2015
Am ready for #DonateOilToIndianEmbassy. Let us meet in Lainchaur at 3 pm. pic.twitter.com/TNRvWVUYCg
— Ajit Baral (@AjitBaral) October 7, 2015