एस.के शान
२० असोज, सप्तरी । सप्तरीको भारदहमा आन्दोलनकारीको एक समूहले चीनको झण्डा लगाएका छन् । उनीहरुले भारतको पक्षमा नाराबाजी गरेका छन् ।
स्वतन्त्र मधेसी युवा समुह पोर्ताहा, भारदह, मधवापुर सप्तरीको अगुर्वामा बुधवार सप्तरीको भारदहमा एक समुहले चीनको झण्डा जलाएको हो । पोर्ताहाको कंकालीनी माबिबाट निस्केको जुलुस भारदह चौकको परिक्रमा गरि पोर्ताहा चौकमा चीनको झण्डा जलाएका हुन् ।
जुलुसका सहभागीहरुले ‘चीन गो ब्याक, मधेस आन्दोलनमा भारतीय सहयोग जिन्दावाद’ लगायतका नारा लेखिएको प्लेकार्ड समेत बोकेका थिए ।
असोज ३ गते संविधाानसभाबाट जारी भएको संविधानलाई चीनले स्वागत गरेको तथा ५४ दिनदेखि जारी मधेस आन्दोलनमा समर्थन नगरेकाले चीनको झण्डा जलाएको जुलुसका अगुवा शंकर खिडहरी यादवले बताए ।
उनीहरुले मधेसका मुद्धा सम्बोधन गराउन सरकार र तीन दललाई दवाव सृजना गरेको भन्दै भारत जिन्दावाद को नारा समेत लगाएका थिए ।
यसअघि आन्दोलनकारी सुनसरीमा चीनको झण्डा जलाएका थिए । त्यो विवादले मधेसी मोर्चामा समेत बबाल भएको थियो ।
