३० वैशाख, काठमाडौं । कायाएलय राख्न सित्तैमा जग्गा दान गर्ने होड चल्दा १२ वटा नयाँ नगरपालिकामा केन्द्र कहाँ राख्ने भन्ने विवाद चर्किएको छ ।
धनकुटाको पाखिबास नगरपालिकालगाय कतिपयको विवाद त अदालतसम्मै पुगेको संघीय मामिला तथा स्थानीय विकास मन्त्रालयका अधिकारीहरुले बताएको आजको कारोबार दैनिकले जनाएको छ ।
आफूले प्लटिङ गरेको जग्गाको भाउ बडाउन दलालहरुले सित्तैमा जग्गा दिने होड चलेको छ । कतिपय नगरपालिकामा सरकारले तोकेको ठाँउमा जग्गा पाइएको छैन ।
मन्त्रालयका अनुसार महोत्तरीको गौशालामा एक जग्गा व्यवसायीले नगरपालिकाको भवन बनाउन पाँच कठ्ठा जग्गा सित्तैमा दिएका थिए । त्यसपछि अर्का व्यवसायीले ११ कठ्ठा दिएपछि कार्यालयको भवन कहाँ बनाउने भन्ने विवाद चर्किएको छ ।
दुवै जग्गा एकै ठाँउमा भए पनि गौशाला नगरपालिकाको भवन कहाँ बनाउने भन्दै निर्देशनात्मक अनुरोध गरेको पत्र मन्त्रालयमा आइपुगेको छ । कुन ठाँउमा कार्यालय राख्ने भन्दै एकआपसमा भिडन्तसमेत भएको थियो ।
