४ असार, काठमाडाैं । असार लागेसँगै कृषकहरुलाई रोपाईको चटारो सुरु भएको छ । यो वर्ष मनसुन समयमै सुरु भएकाले किसानहरुलाई केही राहत भएको छ ।
प्रमुख अन्नबालीको रुपमा रहेको धान असारमा रोपेसँगै मंसिरमा भित्राउन तयार हुन्छ ।
मानो रोपेर मुरी फलाउने समय भएकाले अधिकांश कृषक यतिवेल व्यस्त छन् । छुपुछुपु धान रोपेको दृश्य देख्न थालिएको छ । यसरी धान रोप्ने क्रममा छुपुमा छुपु हिलोमा धान रोपेर छाडौंला, बनाई कुलो लगाई पानी आएर गोडौला जस्ता असारे भाका गाउने गरिन्छ ।
सरकारले भने असार १५ लाई धान दिवसको रुपमा मनाउने गरेको छ ।
शुक्रबार दिउँसो ललितपुरको बुग्मती वडा १० को पुडोल क्षेत्रमा पुग्दा किसानहरु रोपाइमा व्यस्त थिए ।