आँखुखोला जलविद्युत कम्पनीको ८ करोडको आइपीओ आउँदै

२३ असार, काठमाडौं । आँखु खोला जलविदुत कम्पनीले साधारण सेयर (आईपिओ)निष्कासन गर्ने भएको छ । आईपिओ निष्काशनका लागि कम्पनीले धितोपत्र बोर्डमा आवेदन दिएको छ ।

कम्पनीले प्रतिकित्ता १०० रूपैयाँ अंकित दरका कम्पनीले ८ करोड रूपैयाँ बराबरको ८ लाख कित्ता सेयर साधारण सेयर जारी गर्न लागेको हो ।

कम्पनीको समग्र वित्तीय अवस्था अध्ययन गरेर आईपिओ निष्काशनको अनुमति दिईने बोर्डले जनाएको छ । असार सकिन लागेकोले साउनमा मात्रै कम्पनीले सेयर निष्काशनका लागि अनुमति पाउने सम्भावना देखिन्छ ।

कम्पनीले धादिङ जिल्लाको लापा र सेर्तुङ गाविसमा तातोपानी खोला र म्यानचेट खोलालाई मिलाएर २५.४ मेगावाट विद्युत उत्पादन गर्नेगरी अायोजना निर्माण गरिरहेको छ ।