नेपाली सुगम संगीतका सफल र चर्चित गायक हुन्, रामकृष्ण ढकाल । उनै ढकालले आफ्नो १५ औं गिती एल्बम अावरणाको काठमाण्डौको पाँचतारे होटल सोल्टी क्राउन प्लाजामा भव्य रुपमा सार्वजनिक गरेका छन् । ढकालको एल्बम उपराष्ट्रपति नन्दबहादुर पुनको हातबाट विमोचन गरिएको थियो ।
यो एल्बममा ११ वटा गीत समावेश गरिएको छ । पुराना पुस्ताका आनन्द अधिकारीदेखि नयाँ पुस्ताका रमेश वीजीसम्मका गीतकारले एल्बममा शब्द कोरेका छन् । एल्बममा उत्तम संजेल, रमेश वीजी, आनन्द अधिकारी, बिनोद बन्जारा, एक नारायण भण्डारी, डा.आश बहादुर तामाङ, देवेन गीरी, प्रज्जवल शमंशेर जबराले शब्द कोरेका छ ।
हरि लम्साल, न्यू बज्रचार्य, राजेश थापा, शिखर सन्तोष, सुगम पोखरेल, किरण कँडेल लगायतका संगीतकारको संगीत समावेश गरिएको छ । कार्यक्रममा गायक ढकालले आफ्ना एक दर्जन गीत प्रत्यक्ष गाएर सुनाएका पनि थिए । कार्यक्रममा नेपाली चलचित्र, सांगीतिक क्षेत्रका चर्चित हस्तीहरुको उपस्थित थियो ।
तस्बिरः कमल प्रसाई
