१५ कात्तिक, बुटवल । बुटवल उपमहानगरपालिकामा एक व्यक्ति मृत अवस्थामा फेला परेका छन् । बुटवल ५ गोलपार्कका वीरबहादुर गुरुङ गएराति मृत अवस्थामा फेला परेका हुन् ।
बुटवल उपमहानगरपालिका र सैनामैना नगरपालिकाको सिमाना बुटवल १४ को बराह पुलमुनि गुरुङको शव फेला परेको इलाका प्रहरी कार्यालय बुटवलले जनाएको छ ।
उनको शिरमा गम्भीर चोट लागेको छ । गुरुङको हत्या भएको अनुमान गरिएको छ ।
घटनाका विषयमा अनुसन्धान भइरहको प्रहरी नायव उपरीक्ष मुकुन्द मरासिनीले बताए । एक हप्ताको अवधिमा बुटवलमा तीन जनाको हत्या भएको छ ।
