काठमाडौं । शुक्रवारदेखि प्रदर्शन हुने चलचित्र जात्राको भब्य पि्रमियर गरिएको छ । बुधवार बेलुका जयनेपाल चलचित्र भवनमा भएको प्रिमियर शोमा कलाकारहरुको बाक्लो उपस्थिती थियो ।
चलचित्र प्रदर्शन हुनु अघि हजार समाउ, लाख कमाउ अफर अन्तरर्गत विजेताहरुलाई पुरस्कार समेत वितरण गरिएको थियो ।
कार्यक्रममा विपिन कार्की ‘भष्मे’ले स्कुटर बिजेतालाई स्कुटरको साँचो हस्तान्तरण गरेका थिए । कार्यक्रममा चलचित्रका कलाकार वर्षा राउत, प्रेक्षा बज्राचार्य, रबिन्द्र सिंह बानिया लगायतको उपस्थिती थियो ।
नेपाली चलचित्रमा प्रस्तुत गरिँदै आएको हाँस्य शैलिलाई फरक ढंगमा प्रस्तुत गरिएको भन्दै धेरैले चलचित्र राम्रो बनेको प्रतिक्रिया दिए ।
नेपाली फिल्म हेरेर मनोरञ्जन लिने दर्शकका लागि जात्रा वास्तवमै शसक्त बनेको चलचित्र हेर्नेहरुको प्रतिक्रिया थियो । प्रदिप भट्टराइको निर्देशनमा बनेको जात्रा भोलि शुक्रवारदेखि मुलुकभर प्रदर्शन हुने भएको छ ।
