१४ मंसिर, मकवानपुर । मकवानपुरको कुलेखानी-६ हेभी भन्ने स्थानमा टाटा सुमो दुर्घटना हुँदा एकजनाको मृत्यु भएको छ । दुर्घटनामा एक बच्चासहित नौ जना घाइते भएका छन् ।
हेटौंडाबाट काठमाडौं जाँदै गरेको ना १ ज २९५८ नम्बरको टाटा सुमो मंगलबार अपरान्ह मदन भण्डारी मार्गबाट करिब ५० मिटर तल खसेको थियो । मृतकको सनाखत नभएको प्रहरीले जनाएको छ ।
घाइतेहरु सबैलाई उपचारका लागि काठमाडौं पठाइएको छ । घाइतेहरुमध्ये एक बच्चासहित दुई जनाको अवस्था गम्भीर छ ।
दुर्घटनाको कारण नखुलेको र चालक फरार भएकाले खोजी भइरहेको जिल्ला प्रहरी कार्यालय मकवानपुरले जनाएको छ ।