शुक्रबार, ३ कार्तिक, २०७४
OnlineKhabar.com

कतार उड्नुअघि परराष्ट्रमन्त्रीले भने-श्रम सम्झौताको वातावरण बनाउँछु

अनलाइनखबर

२६ पुस, काठमाडौं । परराष्ट्रमन्त्री डा. प्रकाशशरण महतले सरकारले कतारमा रहेका नेपाली श्रमिकको उचित सेवा, सुविधा र सुरक्षासहितको श्रम सम्झौताको वातावरण बनाउने बताएका छन् ।

नेपाल र कतारबीच दौत्य सम्बन्ध स्थापित भएको ४० औं वर्षगाँठको अवसरमा मंगलबार कतार प्रस्थान गर्नुअघि त्रिभुवन अन्तर्राष्ट्रिय विमानस्थलमा सञ्चाकरर्मीमाझ कुरा गर्दै परराष्ट्र मन्त्री महतले नेपाली श्रमिकका अधिकार र सेवा सुविधा थप गर्नेबारे आफूले कतारका उच्च पदस्थ अधिकारीहरुसँग छलफल गर्ने बताए ।

Prakash-Sharan-Mahatउनले अर्धदक्ष र अदक्ष नेपाली कामदारको प्राथमिकताका कतार परेपनि अन्तर्राष्ट्रिय मापदण्ड र आइएलोको प्रावधानअनुसार श्रम सुरक्षा र सुविधा नपाएकाले त्यसलाई्र मजबुद बनाउन आफूले सक्दो प्रयास गर्ने उल्लेख गरेे । मन्त्री महतले सबै मुलुकमा समान रुपमा श्रम संझौता गरेर नेपाली कामदारको सुरक्षा र क्षमता अनुसारको काम मात्र गर्ने वातावरण बनाउन आफ्नो भ्रमण केन्दि्रत हुने पनि बताए ।

परराष्ट्रमन्त्री महतले दुई दिने भ्रमणका क्रममा कतारका अमिर शेख तमिम बिन अलथानी, विदेशमन्त्री शेख मोहम्मद बिन अब्दुल रहमान बिन जसिस अथानी र श्रम मन्त्री इशाबिन साद अल जफैल अल नुएमीसँग कुटनीतिक भेटघाट गर्ने कार्यक्रम रहेको छ ।

माघको दोस्रो साता प्रधामन्त्री पुष्पकमल दाहालले गर्ने दोहा भ्रमणको तयारीमा पनि मन्त्री महतको भ्रमण केन्दि्रत हुने परराष्ट्र मन्त्रालयले जनाएको छ । कतारमा हाल करिब चार लाख नेपाली कार्यरत रहेको सरकारी आँकडा छ ।

१९७७ मा नेपालसँग कुटनीतिक सम्बन्ध स्थापित भएको कतारमा सन् २००४ मा कतारमा नेपाली दुतावास स्थापना भएको थियो । तर कतारले भने त्यसको आठ वर्षपछि सन् २०११ मा मात्र नेपालमा दुतावास स्थापना गरेको थियो ।

२०७३ पुष २६ गते १९:०० मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

२ प्रतिकृयाहरू प्राप्त
  • samsul hak saha लेख्नुहुन्छ    |   २०७३ पुष २६ गते २१:४८

    कतारमा यस्तो कम्पनी हरु छ तीन महिना पैसा दिदहिन नेपाल का नेताले गरदा हो यो हाल भएको

    0
    0
    Share

  • Kuber Thapa लेख्नुहुन्छ    |   २०७३ पुष २७ गते १०:४५

    Really hard to change professional in Qatar because of Nepal Government Rule. Nepal Government did not stamp on my recommendation letter which provided my college. without stamp Qatar Government dont accept. hope writer will be considered abt tht issued and wll send SMS to relate person. i want to work as a skilled worker in Qatar.

    1
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this