भूगोल विशेष खानेकुराको स्वाद पनि थरीथरीका हुन्छन् । एउटा भेगमा पकाइने खान्की, अर्को भेगमा नपाइन सक्छ । कति परिकार यस्ता हुन्छन्, जसले भूगोल बिशेषको चिनारी दिन्छ । जस्तो कि, भक्तपुरको जुजु धौं, बरमझियाको पेडा, इलामको अकबरे ।
यस्तै यहाँ हामी भारतिय परिकारको रेसेपी पस्कदैछौ, खासगरी दक्षिण भारितिय । परिकारको नाम हो, ‘लोबिया सांबर ।’ दक्षिण भारतको लोकपि्रय परिकार हो यो । बोडीको दाना, पहेंलो फर्सीबाट बन्ने यो परिकार हामी आफ्नो भान्सामा पनि बनाउन सक्छौं ।
आवश्यक सामग्री
– आधा कप बोडीको दाना
– आधा कप गोलभेडा
– पहेंलो फर्सी
– आधा सानो चम्चा सरस्युँ वा जीरा
– थोरै हिंग
– रातो खुर्सानी
– थोरै बेसार
– एक चिया चम्चा रातो खुर्सानी पाउडर
– नुन स्वाद अनुसार
– थोरै हरियो धनियाँ
– केहि थोपा कागतीको रस
पेस्ट बनाउनका लागि
– तीन चिया चम्चा धनिया
– १ चिया चम्चा जिरा
– थोरै मेती दाना
– तीन केस्रा लसुन
– १ वटा प्याज
– आधा कप नरिवल
– रातो खुर्सानी
यसरी तयार गर्ने
– पेस्ट बनाउनका लागि तयार गरिएको सबै मसलालाई कराहीमा राखेर भुट्ने ।
– त्यो सेलाइसकेपछि लसुन, नरिवल, प्याज हालेर मिक्सचरमा पिस्ने ।
– प्रेशर कुकरमा बोडीको दाना, गोलभेडा, फर्सी र आवश्यक्ता अनुसार पानी मिलाएर तीन-चार सीटीसम्म पकाउने ।
– कराईमा तेल तलाएर सरस्र्युको दाना, जीरा, रातो खुर्सानी र हिंग भुट्ने ।
– त्यसमाथि पिसेको मसलाको पेस्ट, बेसार र रातो खुर्सानीको पाउडर हालेर भुट्ने ।
– उसिनेको बोडी, एक कप पानी, नुन, कागतीको रस हालेर ग्रेभीलाई गाढा हुने समयसम्म पकाउने ।
– यसलाई हरियो धनियाले सजाएर सर्भ गर्न सकिन्छ ।