३१ वैशाख, काठमाडौं । भक्तपुरको चाँगुनारायण नगरपालिकाको एक मतदान केन्द्रमा नवलपरासीको मतपत्र पुगेको भेटिएको छ । मतदान सुरु भएको केही घन्टापछि मात्र भक्तपुरमा नवलपरासीको मतपत्र पुगेको खुलेको हो ।
नागरकोट गाविस भवन मतदान केन्द्रमा पुगेको मतपत्रमा नेपाल मजदुर किसान पार्टीको चुनाव चिहृन मादल नै भेटिएन । २२ जना मतदाताले मतदान गरेपछि एक मतदाताले मादल चुनाव चिहृन नभएको जानकारी गराएको वडा नम्बर ६ का नेमकिपाका उम्मेदवार कुमार थिङले जानकारी दिए ।
यो मतपत्रहरु मतदान अधिकृतले पोको पारी राखेका छन् । नेमकिपाले घटनाको छानविन गर्न माग गरेको छ ।
