आइतबार, ८ असोज, २०७४
OnlineKhabar.com

चार महानगरमा कसले मार्ला बाजी ?

राजकुमार श्रेष्ठ

तीन प्रदेशका २८१ स्थानीय तहको नेतृत्व चयनका लागि मतदान सम्पन्न भएको छ । अब सबैको ध्यान मत परिणामतिर केन्द्रित भएको छ ।

धेरै मानिसहरुको चासो भने चार महानगरपालिका काठमाडौं, ललितपुर, भरतपुर र पोखरामा कसले बाजी मार्ला भन्ने छ । २० वर्षपछि स्थानीय चुनाव भएको छ र, नयाँ भोटरहरुको संख्या उल्लेख्य भएकाले मत परिणाम आंकलन गर्न सजिलो छैन ।

काठमाडौंको मेयर को बन्ला ?

देशकै राजधानी समेत रहेको काठमाडौं महानगरको मेयरको दौडमा योपटक पुराना पार्टीहरु मात्र छैनन् । खासगरी साझा पार्टी समर्थित किशोर थापा र विवेकशीलकी रञ्जु दर्शना मतदाताको ध्यान तान्न सफल देखिएका छन् ।

कांग्रेसका राजुराज जोशी र एमालेका विद्यासुन्दर शाक्य चुनावी मैदानमा छन् । यसबाहेक माओवादी केन्द्रका सर्वोत्तम डंगोल र नयाँ शक्ति-संघीय समाजवादी फोरम गठवन्धनका पवित्र बज्राचार्य पनि मतदाता माझ पुगेका छन् ।

मतदान सुरु हुनुअघिसम्म भएका बहसहरुमा पूर्वसचिव समेत रहेका किशोर थापा अगाडि रहे भने २१ वर्षीया रञ्जु दर्शनाले उनलाई पछ्याइन् । तर, मुख्य प्रतिपर्धी कांग्रेसका राजुराज र एमालेका विद्यासुन्दर नै रहे ।

मतदानमा पनि त्यस्तै देखियो । पार्टी होइन, व्यक्ति होइन, पार्टी हेरियो भन्ने मतदाताहरु प्रशस्त भेटिए । पार्टी नै स्थापना नभएको अवस्थामा मेयरको चुनाव लडेका किशोर थापा कुनै पनि पार्टीमा आवद्ध नभएका भोटर माझ प्रभाव छाड्न सफल देखिए भने नयाँ पुस्ता किशोरसँगै रञ्जुतिर आकर्षित भएको देखियो ।

उसो भए किशोर थापा वा रञ्जु दर्शना मध्ये कुनै एकले काठमाडौंको मेयरमा बाजी मार्छन् त काठमाडौंको मेयरमा ? यो सम्भावना कम नै देखिन्छ । यद्यपि अनपेक्षित पिरिणाम नआउँदैन भनेर ठोकुवा गर्ने अवस्था भने छैन ।

कांग्रेस, एमाले र एक संस्थाले गरेको अध्ययनले काठमाडौंमा कांग्रेस र एमालेबीच कडा प्रतिस्पर्धा हुने देखाउँछ ।

महानगरको सबै मतदान स्थलमा पुगेका काठमाडौं कांग्रेस नेताले अनलाइनखबरसँग भने, ‘काठमाडौंमा हामीले अपेक्षा गरेको भन्दा राम्रो अवस्था पायौं ।’

चुनावी अभियान प्रभावकारी हुन नसकेको हो कि भन्ने आशंका गर्दै कांग्रेस नेताहरुले काठमाडौंमा एमाले अगाडि हुने त होइन भन्ने आशंका गरेका थिए । र, त्यसको कारण थियो, किशोर थापा । थापाले कांग्रेसको धेरै भोट काटेको अवस्थामा एमाले अगाडि जाने उनीहरुको डर थियो ।

तर, मतदान हुने दिनसम्म आइपुग्दा धेरै मातदाता पार्टीहरुतर्फ फर्किएको पाइएको कांग्रेस नेताले सुनाए ।

एमालेसम्वद्ध रिपोर्टले पनि काठमाडौं महानगरमा कांग्रेस र एमालेबीच मै त्रीव्र प्रतिस्पर्धा हुने देखिएको छ । यद्यपि काठमाडौंका कोर एरिया (नेवार बाहुल्य क्षेत्र)को मत पाएर आफ्ना उम्मेदवार केही अगाडि आउने एमालेको विश्लेषण छ । किशोरसँगै रञ्जुले आफ्नो भन्दा बढी कांग्रेसको भोट काट्ने एमालेको विश्लेषण छ ।

तर, किशोर थापाले आफ्नो भोट काटेजस्तै एमालेको भोट नयाँशक्ति -फोरमका पवित्र बज्राचार्यले काट्ने भएकाले ब्यालेन्समा आउने कांग्रेसको विश्लेषण छ ।

मतदान स्थलहरुमा पुगेर एक संस्थाले गरेको नमूना सर्वेक्षणले पनि काठमाडौंमा कांग्रेसलाई अगाडि देखाएको छ ।

भरतपुरमा रेणुले साख जोगाउलिन् ?

काठमाडौंपछि धेरैको चासो भएको महानगर हो चितवनको भरतपुर । खासगरी प्रधानमन्त्री प्रचण्ड पुत्री रेणु दाहालको मेयरमा उम्मेदवारी र कांग्रेस र माओवादीको चुनावी तालमेलका कारण भरतपुरले धेरैको ध्यान तानेको छ ।

तर, रेणु नै मेयर बन्छिन् कि एमालेका देवी ज्ञवालीले जित्छन् भनेर अनुमान लगाउन निकै गाह्रो छ ।

मेयरमा रेणुलाई समर्थन गर्दा कांग्रेसका स्थानीय नेता कार्यकर्तामा तीव्र असन्तुष्टि देखिएपछि एमाले हौसिएको छ । उनीहरुको अपेक्षा थियो, धेरै कांग्रेस कार्यकर्ता र समर्थनले रेणुको सट्टा आफ्ना उम्मेदवारलाई भोट दिन्छन् । मतदान सुरु हुनुअघिसम्म पनि कांग्रेसकै नेताहरु पनि रेणुलाई गाह्रो छ भन्थे ।

तर, मतदानसम्म आइपुग्दा सबै कुरा आफूहरुले सोचे जस्तो नभएको एमालेका एक नेताले बताए । उनले भने, ‘आधा कांग्रेसले भोट नै हालेनन्, जसले हाले उनीहरुले तालेमल इमान्दारितापूर्वक कार्यान्वयन गरेको रिपोर्ट छ ।’

झिनो मतले आफ्ना उम्मेदवार भन्दा रेणु अगाडि देखिएको एमालेको विश्लेषण छ ।

मतदान स्थलहरुमा पुगेर एक संस्थाले गरेको नमूना सर्वेक्षणले पनि रेणुको सम्भावना बलियो देखाएको छ । तर, दलका कार्यकर्ता भन्दा कुनै पार्टीमा आवद्ध नभएका मतदाताको संख्या बढी हुनाले यसै भन्न सकिन्न ।

पोखरा र ललितपुर के होला ?

स्थानीय चुनावमा होमिँदै गर्दा एमालेले पोखरामा आफ्नो जित सुनिश्चित भएको दाबी गरेको थियो ।

तर, सत्ता साझेदार कांग्रेस र माओवादीले पोखरा महानगरमा पनि चुनावी तालमेल गरेका छन् र माओवादीले मेयरमा कांग्रेसका रामजी कुँवरलाई समर्थन गरेको छ ।

धेरै जसो चुनावमा हुने तालमेलमा अरु दलको तुलनामा माओवादी बढी इमान्दार हुने गरेको छ । र, कांग्रेसले मेयरमा आफ्नो जित हुने विश्लेषण गरेको छ ।

तर, एमालेले भने माओवादीका असन्तुष्ट ३० प्रतिशत मत आफूले पाएको दाबी गरेको छ ।

यसका बाबजुद कांग्रेस र एमाले दुबैले पोखराको मेयरमा दुई दलको त्रीव्र प्रतिस्पर्धा हुने विश्लेषण गरेका छन् ।

राजधानी नजिकै भए पनि महानगरमध्ये कम चर्चा भएको महानगरको ललितपुर । यहाँ राप्रपाले मेयरमा एमालेलाई समर्थन गरेको छ । तर, उसको ठूलो प्रभाव नभएकाले कांग्रेस, एमाले र माओवादीबीच तीव्र प्रतिस्पर्धा हुने देखिन्छ ।

एक नमूना सर्वेक्षणले पनि ललितपुरमा त्रिपक्षीय भिडन्त रहेको भन्दै परिणाम अनुमान गर्न नसकिने देखाएको छ ।

ललितपुर वामपन्थीहरुको गढ मानिन्छ । तर, ०७० को दोस्रो संविधानसभामा कांग्रेसले बाजी मार्‍यो र तीनै निर्वाचन क्षेत्रमा वामपन्थी दलहरु हारे । अहिले आफ्नो अवस्था थप सुधार भएको भन्दै कांग्रेसले वामपन्थी भोट एमाले र माओवादीमा बाँडिदा महानगरमा आफूले बाजी मार्ने विश्लेषण छ ।

एमाले र माओवादीले पनि तीन दलबीच नै तीव्र प्रतिस्पर्धा हुने स्वीकार गरेका छन् । तर, झिनो अन्तरले आफूले जित्ने एमालेको रिपोर्ट छ ।

यी पनि पढ्नुस्

स्थानीय चुनावको भवितव्यः क्रस भोटिङ, तालमेल र बदर मत

पहिलो चरणको चुनावः ६ सन्देश, केही प्रश्न

२०७४ वैशाख ३१ गते १९:२७ मा प्रकाशित (२०७४ जेठ १ गते ९:५१मा अद्यावधिक गरिएको)

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

७ प्रतिकृयाहरू प्राप्त
  • Prakash लेख्नुहुन्छ    |   २०७४ वैशाख ३१ गते १८:३९

    Your evaluation is amassing and interesting; You being journalist how you reached such analysis is very fantastic. I presume, totally reverse scenario. So, I would judge myself how being simple citizen studied the political scenario. If the scenario is totally different, you have to study more and change your behavior as well as profession.Mainly, because the person not representing citizen voice is not entitle to be reporter . Rather, be work as obedient servant of the party whom you enshrine in your mind.

    15
    8
    Share

  • Krishna लेख्नुहुन्छ    |   २०७४ वैशाख ३१ गते १८:४३

    Ktm ko vanna sakdeena. Bharatpur, lalitpur ani pokhara sabai uml ko hoo. Hawa taal ma renu agadi ray. Arun baral mowabdi ko varauty ko bislesan kasare fail khannxa voli dekxa.

    31
    15
    Share

  • Ujwol लेख्नुहुन्छ    |   २०७४ वैशाख ३१ गते १९:०९

    काठमाडौँ
    चर्चाको शिखरमा – रन्जु
    काठमाडौँ लाइ आबश्यक – किशोर थापा
    जित्ने चाहि- बिध्या सुन्दर शाक्य

    109
    19
    Share

  • tikaram prasai लेख्नुहुन्छ    |   २०७४ वैशाख ३१ गते १९:४५

    shurya एमाले

    0
    1
    Share

  • ram लेख्नुहुन्छ    |   २०७४ जेठ १ गते ५:४६

    BOKALE DAIN HUNNA,JATI GAAF DIYE PANI NC ra UML ko VIDANTA HUNE HO,KISOR LE NC KO VOTE KATE VANE NAYA SAKTI LE UML KO!! YI 2 PARTY BICH 2/3 HAJAR VOT le haar jit hun6.

    0
    0
    Share

  • Aait Bahadur Maden लेख्नुहुन्छ    |   २०७४ जेठ ३ गते १५:१७

    In Kathamandu Municipality – the Bibeksil Nepali and Sajaha Party have been putting lots of their energy “NOT FOR WIN” but “CUT THE VOTE” movement, which is not nice. The Bibekshil Party has been making such a fuss nominating school girl for Mayor without ensuring voters results taking account and key to success strategies. We are not in Panchayat Raj where you can nominate/vote/win Nani Maiyya Dahal as Member of Parliament. Well before nominating her, the Bibiksil must have to generate discussion in social media about her candidature and collect the opinion from general public if they would believe on “TRANSPARENCY” . But they announced suddenly and motive behind this candidacy seems is just reduce the vote for NC/UML only. Similarly the Sajha party’s candidate Mr. Thapa is very competent candidate and among the best, but he have no political support. Sajaha Party must have to analysis voters’ mode and trend. Mr. Thapa should not have exploit for some one’s ego.

    0
    0
    Share

  • Dhirendra bahadur saud लेख्नुहुन्छ    |   २०७४ जेठ ४ गते ११:०२

    malai lagxaa ki …Uml chai pahilo ra Nc chai dosro parti banxaa yo local election ma …yeso herda kheri takkar dekhiyeni at last UML nai frist banne assa bhorosa ra biswaas kaa saat vanna sakxu

    0
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this