३ जेठ, काठमाडौं । काठमाडौं महानगरपालिकाको सुस्त मतगणनालार्इ गति दिन गणक संख्या थपिएको छ ।
महानगरपालिकामा मतगणना असाध्यै ढिलो भएपछि निर्वाचन आयोगले नै गणक थपेको जनाएको छ । महानगरपालिकामा १० वटा टोली बनाएर गणनाको काम सुरु गरिने निर्वाचन आयोगका प्रबक्ता सूर्यप्रसाद शर्माले जानकारी दिए ।
१० वटा टोली बनाएर गणना गरिएपछि महानगरको नतिजा केही छिटो आउने विश्वास लिइएको प्रबक्ता शर्माले बताए ।
मत गणक थपिए पनि महानगरपालिकाको पूर्ण नतिजा आउन भने केही दिन लाग्ने छ ।
