शुक्रबार, ३ कार्तिक, २०७४
OnlineKhabar.com

खानाको फोटो शेयर गर्ने श्रीमतीलाई लोग्नेले दिए डिभोर्स

अनलाइनखबर

त्यो निकै रोमान्टिक डिनर हुनेवाला थियो । तर बिडम्बना दुखद भयो र डिभोर्समा टुंगियो । जोर्डनमा एकजना पुरुषले खानेकुराको फोटो स्न्यापच्याटमा शेयर गरेको झोँकमा श्रीमतीसँग डिभोर्स गरेका छन् ।

जोर्डनको राजधानी अम्मानस्थित एक रेष्टुराँमा डिनरका लागि पुगेका लोग्नेस्वास्नीबीच खानेकुराको फोटो स्न्यापच्याटमा शेयर गरेको विषयमा विवाद हुँदा सम्बन्ध विच्छेद भएको हो । लोग्नेचाहीँले लक्जरी रेष्टुराँमै पत्नीलाई तलाक दिए ।

समाचार अनुसार रेष्टुराँमा डिनर खाने बेलामा पत्नीचाहीँले आफ्नो लोग्नेलाई केहीबेर खाने काम रोकेर फोटोका लागि पोज दिन अह्राइन् । रेष्टुराँमा खाएको फोटो खिचेर स्न्यापच्याटमा शेयर गर्ने उनको मन थियो ।

लोग्नेचाहीँ निकै भोकाएका रहेछन् । रेष्टुराँमा निकै भीड भएका कारण उनीहरुले सुरुमा खानेकुरा पाउनै आधा घण्टाजति पर्खिनु परेछ । तर जब खानेकुरा टेबुलमा आइपुग्यो त्यतिबेला पनि पत्नी चाहीँले फोटो खिचिरहेकी थिइन् । जब पति चाहीँले खाना खान सुरु गर्न थालेका थिए, पत्नीले केहीबेर रोक्न भनिन् र फोटो खिचिरहिन् ।

यसबाट रिसले चूर भएका लोग्ने भडि्कए र पत्नीसँग झगडा सुरु भयो । झगडाले यस्तो उग्ररुप लियो की उनले पत्नीलाई फोटो खिच्नबाट मात्र रोकेनन् उनलाई डिभोर्स दिए र पैसै नतिरी रेष्टुराँबाट बाहिरिए । एजेन्सी

२०७४ जेठ ४ गते १३:१४ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this