९ जेठ, काठमाडौं । काठमाडौं महानगरपालिकाको मेयरमा नेकपा एमालेका उम्मेदवार विद्यासुन्दर शाक्यले ११ हजारको अग्रता लिएका छन् ।
मंगलबार दिउँसोसम्म करिव १ लाख २० हजार मत गणना हुँदा शाक्यले ३८ हजार ९५५ मत पाएका छन् । उनलाई पछ्याइरहेका कांग्रेस उम्मेदवार राजुराज जोशीले भने २७ हजार ८७९ मत मात्र पाएका छन् ।
तेस्रो स्थानमा विवेकशील नेपाली दलकी रन्जु दर्शना छिन् । उनले १४ हजार ४९९ मत पाएकी छन् । साझा पार्टीका किशोर थापाले ११ हजार १० मत पाउँदा माओवादीका सर्वोत्तम डंगोलले ४ हजार २८२ मत पाएका छन् ।
