१८ असार भैरहवा । रुपन्देहीको ओमसतिया गाउँपालिकामा माओवादी केन्द्र विजयी भएको छ ।
माओवादी केन्द्रका हिराकुमार केवट २४४२ मतका साथ विजयी भएका हुन् ।
उनका निकटतम प्रतिद्वन्द्वी संघीय समाजवादी फोरमका मञ्जितकुमार यादवले २३११ मत ल्याएका छन् ।
यस्तै उपाध्यक्षमा पनि माओवादी केन्द्रकै सुन्दरमती हरिजनले २२६४ मत ल्याएर विजयी भएकी छन् । उनकी निकटतम प्रतिद्वन्द्वी नेपाली कांग्रेसकी अमृता उप्रेतीले २१७२ मत प्राप्त गरिन् ।
रुपन्देहीमा माओवादीको यो पहिलो जित हो ।