१९ असार, अछाम । तत्कालिन सशस्त्र द्वन्द्वको बेला माओवादीको आधार क्षेत्र रहेको रामारोशन गाउँपालिकामा नेकपा माओवादी केन्द्र विजयी भएको छ ।
आइतबार राति सार्वजनिक भएको मतपरिणाम अनुसार नेकपा (एमाले) लाई ५६८ मतले पछि पार्दै माओवादी केन्द्रका उम्मेदवार विजयी भएका हुन् ।
अध्यक्ष पदमा विजयी भएका झंकर साउँदले ३४०२ मत ल्याए भने उपाध्यक्ष्मा पनि माओवादी केन्द्रकी सरस्वती रावलले ३२९० मत ल्याएर विजयी भइन ।
एमालेका चक्रबहादुर रावलले २७३४ मत पाएका छन् । उपाध्यक्ष पदमा एमालेकी विन्द्रा साउँदले २७६१ मत ल्याइन ।
तेस्रो स्थानमा रहेको नेपाली कांग्रेसका अध्यक्ष पदकी उम्मेदवार अनुराधा स्वार (रावल) ले २५४७ र उपाध्यक्षमा चन्द्र विश्वकर्माले २६३५ मत ल्याए ।
अछामका १० स्थानीय तह मध्ये ९ स्थानीय तहको मतपरिणम आएको छ । जसमा कांग्रेस ५, एमाले र माओवादी केन्द्रले २/२ स्थान मा विजयी भएका छन् ।
