१० साउन, गोरखा । नेपालको शाहबंशीय राजतन्त्रको उद्गमथलो थियो गोरखा । पृथ्वीनारायण शाहले नेपाल राष्ट्रको एकीकरण गोरखाबाटै थालेका थिए ।
यहाँको गोरखा दरवारबाट राम शाहदेखि पृथ्वी नारायणसम्म ७ राजाहरुले राज्य गरे । गोरखा दरवारमा राज्य गरेर नेपाल एकीकरण गरेका पृथ्वीनारायण शाहको बारेमा आज पनि बिभिन्न कोणबाट बहस भइरहेकै छन् । जबकी उनका १२ औं पुस्तासँगै नेपालमा राजतन्त्र अन्त भइसकेको छ ।
राजतन्त्र ढले पनि गोरखा दरबार ढलेको छैन । भूकम्पले क्षति पुगेको गोरखा दरवारको पुननिर्माण भइरहेको छ । तत्कालिन राजा राम शाहको पालामा बिसं १६८६ मा बनेको दरवार भूकम्पले क्षति पुगेेको थियो ।
केही संरचनाहरु मर्मत भएपनि मुख्य गोरखा दरवार भने पुननिर्माण हुन सकेको थिएन । परातत्व बिभाग अन्तरगत उक्त दरवार भत्काएर जगै देखि पुननिर्माण हुन लागेको गोरखा दरवारका पुजारी प्रदीप योगीले बताए ।
भुकम्पले क्षति पुगेसँगै गोरखा दरवार आउने भक्तजनहरुको संख्यामा पनि कमी आएको उनको भनाइ छ । पुरानो इतिहास बोकेको गोरखा दरवार संरक्षणमा र पुननिर्माणमा ढिलाइ भएको भन्दै उनले चिन्ता व्यक्त गरे ।
गोरखा दरवारमा ऐतिहासिक र पर्यटकीय महत्वका कुराहरु के के छन् त ?