मंगलबार, ५ मंसिर, २०७४
OnlineKhabar.com

अब प्रहरी हवल्दारले पनि काँधमा नै बिल्ला लगाउने

अनलाइनखबर

२७ भदौ, काठमाडौं । प्रहरी हवल्दारहरुले पनि अब काँधमा बिल्ला लगाउन पाउने भएका छन् । हाल प्रहरी हवल्दारहरुले पाखुरामा बिल्ला लगाउँदै आएका छन् ।

सईदेखि माथिका पदका प्रहरीहरुले मात्र काँधमा फुली लगाउने गर्दछन् । अब त्यो अवसर केही दिनभित्रै प्रहरी हबल्दारहरुलाई पनि मिल्ने छ ।

प्रहरीको पोशाकलाई समयसापेक्ष परिवर्तन गर्दै जाने नीतिअनुसार परिवर्तन गर्न लागिएको नेपाल प्रहरीका प्रवक्ता मनोज न्यौपानेले बताए । न्यौपानेले अनलाइनखबरसँग भने, ‘पोशाकलाई छिटो–छरितो बनाउन समयसापेक्ष परिवर्तन गर्दै आएका छौं । त्यहीअनुसार यो निष्कर्षमा पुगिएको हो ।’

अब दुई–चार दिनभित्रै औपचारिक निर्णय गरेर देशभर एकैसाथ कार्यान्वयनमा ल्याउने प्रहरीको तयारी छ ।

पाखुरामा लगाइएको बिल्ला काम गर्दा खस्ने, अल्झिने लगायतका समस्या आएको गुनासो हवल्दारहरुले गर्दै आएका छन् ।

बिल्लाको डिजाइन भने परिवर्तन गरिएको छैन । पहेंलो रंगको तीन धर्के भी आकारको चिह्न प्रहरी हवल्दारको पहिचान हो ।

२०७४ भदौ २७ गते १८:५५ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

१ प्रतिकृया प्राप्त
  • Chhetu sherpa लेख्नुहुन्छ    |   २०७४ भदौ २८ गते ७:२५

    फेरि पोसाक समय अनुसार बनाउने भन्दै नया कपडामा कमिसन ? हे प्रभु यसो नगरौ त मनुवा

    1
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this