शनिबार, २ मंसिर, २०७४
OnlineKhabar.com

एप्पलले एकसाथ ल्यायो आइफोन एक्स, आइफोन ८ र ८ प्लस

अनलाइनखबर

एप्पलले एकसाथ तीनवटा नयाँ मोडलका स्मार्टफोन सार्वजनिक गरेको छ । आइफोन ७ सेरिजको अपग्रेडका रुपमा आइफोन ८ र ८एस सार्वजनिक भएका छन् ।

आइफोनको सुरुवात भएको १० बर्ष पुगेको अबसरमा एप्पलले आइफोन एक्स अर्थात् आइफोन १० पनि सार्वजनिक गरेको छ जसमा आइफोनका अघिल्ला सेरिजमा भन्दा धेरै नयाँ फिचरहरु समावेश गरिएका छन् ।

एप्पल प्रमुख कार्यकारी टीम कुकले गएराती एप्पल मुख्यालयमा आयोजित बिशेष कार्यक्रममा यी तीनवटै मोडल सार्वजनिक गरे ।

यस्तो छ आइफोन एक्स

आइफोनले आफुलाई प्रतिस्पर्धी स्मार्टफोनको हाराहारीमा राख्न आइफोन एक्समा भरपुर नयाँ फिचरहरु लोड गरेको छ । ५.८ इन्चको सुपर रेटिना डिस्प्लेयुक्त यो फोनमा अहिलेसम्मकै उत्कृष्ट पिक्चर डेन्सीटी रहेको छ ।

आइफोनमा १० मा अनुहार चिन्ने प्रबिधि- फेस आइडी पनि समावेश छ । अब आइफोनले तपाइको अनुहारलाई पासवर्ड मान्ने छ र आफ्नो फोन खोल्न तपाइले अनुहार देखाउनुपर्ने छ । एप्पलको दावी छ कि, तपाइले गग्स लगाएको भए पनि र ह्याट लगाएको भए पनि आइफोनले तपाइको अनुहार चिन्न सक्छ ।

यो फोनमा होम बटन हटाइएको छ । त्यसको विकल्पको रुपमा डेफ्थ सेन्सर भएको फ्रन्ट क्यामेरालाई अगाडी सारिएको छ ।

आइफोन १० मा पछाडीतिर दुईवटा १२ मेगापिक्सेलका क्यामेरा राखिएको छ । वायरलेस चार्जिङयुक्त यो फोनमा ३० मिनेटमा ५० प्रतिशत चार्ज हुने कम्पनीको दावी छ । आइफोन ७ मा भन्दा झण्डै दुई घण्टा ब्याट्री लाइफ यसमा बढी छ ।

आइफोन १० ६४ जीवी र २५६ जीवी गरी दुई स्टोरेज क्षमतामा उपलब्ध हुनेछ भने स्पेश ग्रे र सिल्भर गरी दुई कलरमा उपलब्ध हुने छ ।

६४ जीवीको आइफोन १० को खुला बजार मूल्य ९ सय ९९ अमेरिकी डलरबाट सुरु हूने छ । यसको मतलव यो फोन नै अहिलेसम्मको सवैभन्दा महंगो आइफोन हो । आइफोन १० को पि्र बुकिङ अक्टोबर २७ बाट सुरु हुने छ भने नियमित बिक्रि नोभेम्बर ३ बाट हुने छ ।

आइफोन ८ र ८ प्लस

आइफोन ७ सेरिजको नियमित अपग्रेडका रुपमा आइफोन ८ र ८ प्लस पनि सार्वजनिक भएका छन् ।

सानो आकारको आइफोन ८ को साइज ४.७ इन्चको हुने छ भने आइफोन ८ प्लस ५.५ इन्चको साइजमा उपलब्ध हुने छ । दुवैमा रेटिना एचडी डिस्प्ले छ । यसमा कम्पनीको सवैभन्दा आधुनिक ए११ चिप प्रयोग गरिएको छ । यो चिप ए१० भन्दा भन्दा ७० प्रतिशत फास्ट रहेको छ जुन आइफोन ७ सेरिजमा प्रयोग गरिएको थियो ।

आइफोन ८ मा एउटा १२ मेगापिक्सेलको क्यामेरा प्रयोग गरिएको छ भने ८ प्लसमा दुइवटा क्यामेरा छन् । यी दुवैमा वायरलेस चार्जिङले सपोर्ट गर्छ भने लिल्भर, स्पेश ग्रे र गोल्ड गरी तीनवटा रंगमा उपलब्ध हुनेछन् ।

 

 

२०७४ भदौ २८ गते ७:२९ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

१ प्रतिकृया प्राप्त
  • Khambba Singh Darlami Magar लेख्नुहुन्छ    |   २०७४ भदौ २८ गते १३:१०

    Sounds good, and I have a temptation to buy all three phone at once. But I have no “BLACK MONEY”
    Actually we all must be very aware following fact while using smart phone: We must limit their use.
    Reson of notr over use of smart phone are:
    1. They distract people in concentration on the job by constantly checking their cell phone for texts or social media feeds?

    2. They interrupt important meetings and convert into less important activity

    3. They’re a security risk.especiually in the bank – mixing personal and professional applications on one phone can put the entire business at risk.
    4. They’re physically dangerous- more prone to injury- phone while driving,- while walking and texting.
    5. They prevent a separation of work and home. People will bring work problems home and home problems to work.
    6. They spread confidential information in public.
    7. They actually add work.

    5
    7
    Share

यसमा तपाइको मत




फेसबुकबाट तपाईको प्रतिक्रिया

Also you may like this