२८ भदौ, काठमाडौं । पेरिस सेन्ट जर्मेनले च्याम्पियन्स लिग फुटबलमा सेल्टिकमाथि शानदार जित हात पारेको छ । मंगलबार राति भएको खेलमा नेइमारको नेतृत्वको पीएसजीले सेल्टिकमाथि ५–० गोल अन्तरको जित निकालेको हो ।
सेल्टिकको घरेलु मैदानमा भएको खेलमा पीएसजीले १९ औं मिनेटमा नेइमारको गोलबाट अग्रता लिएको थियो । ३४ औं मिनेटमा एमबापे र ४० औं मिनेटमा काभानीले गोल गरेपछि पीएसजीले पहिलो हाफमा ३–० को अग्रता लियो ।
दोस्रो हाफमा पनि पीएसजी नै हावी भयो । ८३ औं मिनेटमा सेल्टिकका लुस्टिङले आत्मघाती गोल गरे भने दुई मिनेटपछि नै पाएको पेनाल्टीमा काभानीले गोल गरे र पेरिस सेन्ट जर्मेन ५–० को फराकिलो जित निकाल्न सफल भयो ।
सल्टिकले भने च्याम्पियन्स लिगमा घरेलु मैदानमा हात पारेको सबैभन्दा ठूलो हार हो ।
