२८ भदौ, काठमाडौं ग्लोवल आईएमई बैंकको सहायक कम्पनी रिलायवल माईक्रोफाइनान्स वित्तीय संस्थाको सञ्चालक समितिको निर्णयानुसार बुद्धि अकेलालाई सञ्चालक समितिको अध्यक्षमा सर्वसम्मत रुपमा चयन गरेको छ ।
नवनियूक्त अध्यक्षले मंगलवार नेपाल राष्ट्र बैंकको बैंक तथा वित्तीय संस्था नियमन विभागका कार्यकारी निर्देशक नारायण प्रसाद पौडेल समक्ष पद तथा गोपनियताको सपथ ग्रहण गरेका छन् ।
कम्पनीमा संस्थापक बैंकको तर्फवाट प्रतिनिधित्व गर्नेमा बुद्धि अकेला, रुपेन्द्र वाग्ले र दिपेश वावु तिवारी रहेका छन् । सर्वसाधारण सेयरधनीको तर्फवाट सञ्चालकमा प्रविन पछाई रहेका छन भने स्वतन्त्र सञ्चालकमा विजयराज जोशिलाई आगामि ४ वर्षको लागि नियूक्त गरिएको छ ।
लमजुङ जिल्लाको वेसिशहरमा केन्द्रिय कार्यालय रहेको क्षेत्रीयस्तरको यस वित्तीय संस्थाले गतवर्ष मात्रै ५ जिल्ला कार्यक्षेत्र थप गरी कुल १५ जिल्ला रहेको छ । आफ्नो कार्यक्षेत्रको सवै जिल्लाहरुमा गरी कुल २५ शाखा सञ्जाल रहेको संस्थाको कर्जा लगानी रु. ४९ करोड, निक्षेप रु. १८ करोड रहेको छ । बैंकले मुनाफावाट आफ्ना सेयरधनीहरुलाई २० प्रतिशत वोनस सेयर वितरण गर्ने प्रस्ताव नेपाल राष्ट्र बैंकवाट समेत स्वीकृृत भई सकेको छ ।